Jungkook ទទួលបានប្រតិកម្មចម្រុះក្រោយមិននិយាយពី Rosé ទាក់ទងនឹងបទ «APT»ខណៈបានបង្កើតកំណត់ត្រាថ្មី

ក្នុងអំឡុងពេលនៃការផ្សាយផ្ទាល់ Jungkook សមាជិកក្រុម BTS បានច្រៀងនិងរាំបទ «APT» បានធ្វើឱ្យអ្នកគាំទ្រចាប់អារម្មណ៍យ៉ាងខ្លាំង។ ទោះយ៉ាងណា តារាចម្រៀងរូបនេះបាន និយាយអំពី Bruno Mars ប៉ុន្តែមិនបាននិយាយឈ្មោះ Rosé ដែលនាំឱ្យមានប្រតិកម្មចម្រុះ។ ជាមួយនឹងការ Live នេះបានបង្កើតកំណត់ត្រា Weverse ដែលទាក់ទាញអ្នកទស្សនាជាង២០លាននាក់។

នៅយប់ថ្ងៃទី១៨ ខែធ្នូ Jungkook សមាជិកក្រុម BTS បានធ្វើឱ្យអ្នកគាំទ្រភ្ញាក់ផ្អើលជាមួយនឹងការផ្សាយបន្តផ្ទាល់។ តារាប្រុសរូបនេះបានរៀបរាប់រឿងខ្លីៗជាច្រើន ដូចជាបទពិសោធន៍របស់ខ្លួនក្នុងជួរយោធាជាមួយសមាជិករួមក្រុមគឺជា Jimin ក៏ដូចជាការស្រលាញ់របស់លោកចំពោះ G-Dragon ជាដើម។ លើសពីនេះ Jungkook បានច្រៀង និងរាំតាមបទចម្រៀងផ្សេងៗ រួមទាំងបទ «APT» របស់ Rosé សមាជិកBLACKPINK ផងដែរ។ ទោះយ៉ាងណាក៏ដោយ ការលើកឡើងរបស់ Jungkook នៅពេលនិយាយអំពីបទនេះបានទាញប្រតិកម្មចម្រុះ។

ជាពិសេស នៅពេលដែលត្រូវបានស្នើសុំឱ្យច្រៀងបទ «APT» ដំបូងឡើយ Jungkook មានអារម្មណ៍ស្ទាក់ស្ទើរប៉ុន្តែលោកក៏បានសម្រេចចំណងហ្វេនខណៈបានលើកនិយាយពី Bruno Mars ដែលធ្វើការងារដ៏អស្ចារ្យបែបនេះ។ ការពិតដែលថា Jungkook គ្រាន់តែនិយាយអំពី Bruno Mars និងមិនមែន Rosé បាននាំឱ្យមានការបញ្ចេញមតិផ្សេងៗ ដោយអ្នកខ្លះបានចោទប្រកាន់តារាប្រុសរូបនេះថា ធ្វើឱ្យ Rosé ខូចគុណភាព។

ទោះជាយ៉ាងណាក៏ដោយ មនុស្សជាច្រើនបានការពារ Jungkook ដោយបញ្ជាក់ថាតាមពិតការអត្ថាធិប្បាយរបស់ Jungkook គ្រាន់តែបង្ហាញថាលោកបានរកឃើញកម្រិតសំឡេងរបស់ Bruno Mars ខ្ពស់ពេកសម្រាប់លោកដូច្នេះតារាចម្រៀងរូបនេះខ្លាចពេកក្នុងការព្យាយាមច្រៀងចម្រៀងនេះ។ Jungkook មានន័យថារូបគេមិនអាចច្រៀងនៅក្នុងវគ្គ Bruno Mars ដែលជាការពិតទេព្រោះប្រសិនបើអ្នកមើលពេញសមាជិក BTS រូបនេះ ភាគច្រើនច្រៀងផ្នែកRosé ហើយរំលងវគ្គ Bruno Mars ដូចអ្វីដែល Jungkook ប្រាប់ពីដើម។

អ្នកគាំទ្រមួយចំនួនរបស់ BLACKPINK ថែមទាំងបានយល់ស្របថា Jungkook មិននិយាយពី Rosé គឺល្អជាងព្រោះលោកស្គាល់ពីអ្នកគាំទ្រច្បាស់ប្រសិនបើលោកនិយាយអំពី Rosé តើនឹងមានអ្វីកើតឡើង។

គួរបញ្ជាក់ថា ការ Live របស់ Jungkook បានកត់ត្រាអ្នកទស្សនា ២០.២ លាននាក់គួរឱ្យចាប់អារម្មណ៍ និងទទួលបាន ២៩២លាន Like ដោយបង្កើតកំណត់ត្រាថ្មីរបស់ Weverse ៕