ឧទ្យានបេតិកភណ្ឌកៅស៊ូ តេជោ ធិបតី មានទីតាំងស្ថិតនៅក្នុងឃុំថ្មពេញ ស្រុកត្បូងឃ្មុំ ខេត្តត្បូងឃ្មុំ ដែលមានដើមកៅស៊ូចាស់១០០ឆ្នាំចំនួន ៤៤៨ដើម។.png)
កៅស៊ូចាស់ទាំងអស់នេះ សុទ្ធសឹងតែបន្សល់មកតាំងពីសម័យអាណានិគមនិយមបារាំង ដែលដាំដោយក្រុមហ៊ុនស្រុកខ្មែរឈ្មោះ La Compagnie du Cambodge.c.c នៅឆ្នាំ១៩២០។
ដើមឡើយ តំបន់ឧទ្យានបេតិកភណ្ឌកៅស៊ូនេះ ធ្លាប់ជាសមរភូមិប្រយុទ្ធគ្នា រវាងកងទ័ពរដ្ឋកម្ពុជា និងខ្មែរក្រហម ដោយកាលនោះមានដើមកៅស៊ូតិចតួចបំផុត ដែលរងការប៉ះពាល់ ។
សម្រាប់ការបង្កើតជាឧទ្យាបេតិកភណ្ឌតេជោ-ធិបតី គឺដើម្បីការពារអភិរក្សនូវដើមកៅស៊ូដ៏ចំណាស់របស់កម្ពុជាហើយក៏ដើម្បីបង្កើតជាគោលដៅទេសចរណ៍ផងដែរ។
គួរបញ្ជាក់ថា នៅឆ្នាំ ២០២៤នេះ កម្ពុជាមានផ្ទៃដីដំណាំកៅស៊ូសរុបចំនួន៤២៥ ៤៤៣ហិកតា ក្នុងនោះ៥២ភាគរយ ជាចម្ការកៅស៊ូកសិឧស្សាហកម្ម និង៤៨ភាគទៀតស្មើនឹង ២០២ ៣២១ហិកតា ជាផ្ទៃដីកៅស៊ូគ្រួសារ៕
