ជាទូទៅ ក្នុងការធ្វើដំណើរពីខេត្តស្ទឹងត្រែង ទៅខេត្តរតនគិរី ពលរដ្ឋច្រើនធ្វើដំណើរតាមបណ្តោយផ្លូវជាតិលេខ៧៨ ដោយត្រូវឆ្លងកាត់ទន្លេស្រែពក ដែលតែងមានការជន់លិចនៅរដូវវស្សា។.png)
ដើម្បីសម្រួលដល់ការធ្វើដំណើររបស់ពលរដ្ឋ រាជរដ្ឋាភិបាល បានសាងសង់ស្ពានមួយដែលមានឈ្មោះថា”ស្ពានស្រែពក” ដែលជាព្រំប្រទល់ខ័ណ្ឌចែកទឹកដីខេត្តស្ទឹងត្រែង និងខេត្តរតនគិរី។
ស្ពាននេះ ស្ថិតនៅតាមបណ្តោយផ្លូវជាតិលេខ៧៨ ជាស្ពានភ្ជាប់និស្ស័យរបស់អ្នកស្រុកសេសាន ខេត្តស្ទឹងត្រែង និងស្រុកកូនមុំ ខេត្តរតនគិរី។
បច្ចុប្បន្នស្ពាននេះបានក្លាយជាមធ្យោបាយធ្វើដំណើរដ៏សំខាន់ អំឡុងពេលទឹកជំនន់នៃទន្លេស្រែពកឡើងខ្ពស់។.png)
គួរបញ្ជាក់ថា ស្ពានស្រែពកនេះ ជាស្ពានថ្មី ដែលត្រូវបានសាងសង់ឡើង ក្រោយស្ពានចាស់ត្រូវបានរុះរើកាលពីឆ្នាំ២០១៧។
កាលនោះ ក្រុមហ៊ុនសាងសង់ទំនប់វារីអគ្គិសនីនៅស្រុកសេសាន បានបិទទ្វារទំនប់ នឹងបណ្តាលឱ្យលិចដល់តួស្ពានប្រហែល៧ម៉ែត្រ ហេតុដូចនេះទើប អាជ្ញាធរបង្ខំចិត្តរុះរើស្ពាន ដើម្បីយកដែកស្ពានទៅធ្វើកន្លែងផ្សេងៗទៀតនៅក្នុងទីរួមខេត្ត៕
