ស្ថាប័ន Miss grand Honduras ប្រកាសដកខ្លួនចេញពី MGI ព្រោះតែកម្មវិធីនេះចាប់អារម្មណ៍តែរឿងលុ.យនិងមានអំពើពុករលួ.យ

អ្នកគាំទ្រវិស័យបវរកញ្ញាបានចាប់ផ្តើមម្តងទៀតក្នុងកម្មវិធី Miss Grand International ហៅកាត់MGI ក្រោមការដឹកនាំរបស់លោក ណាវ៉ាត់ ត្រូវបាននាយកជាតិ Miss grand Honduras ប្រកាសដកខ្លួនចេញពីកម្មវិធីដោយសារតែស្ថាប័ននេះគិតតែពីរឿងលុយមានអំពើពុករលួយមិនឱ្យតម្លៃលើការលះបង់របស់ពួកគេ។ ក្នុងឆ្នាំនេះ MGI ត្រូវបាននាយកជាតិដកខ្លួនចេញជាបន្តបន្ទាប់មានដូចជាកម្ពុជា មីយ៉ាន់ម៉ា ឥណ្ឌា រួមទាំង ហុងឌូរ៉ាស។

នៅយប់ថ្ងៃទី២៣ វិច្ឆិកា ស្ថាប័ន Miss grand Honduras ហៅកាត់ MGH បានចេញសេចក្តីប្រកាសជាផ្លូវការអំពីការដកខ្លួនចេញពីស្ថាប័នការប្រកួត Miss Grand International ។ ក្នុងការប្រកាសនេះពីនាយកជាតិ Miss grand Honduras គឺលោកស្រី Amelia Vega បានឱ្យដឹងថា ក្នុងរយៈពេល៤ឆ្នាំ(២០២១-២០២៤) បានសម្រេចចិត្តបើកបង្ហាញបញ្ហាប្រឈម ហើយវាជាបទពិសោធន៍ដ៏អស្ចារ្យមួយ ដើម្បីនាំមកនូវភាពរីករាយ និងសុភមង្គលដល់ប្រទេសហុងឌូរ៉ាសដែលបានឈ្នះពានរង្វាន់សម្រាប់សំលៀកបំពាក់ប្រពៃណីល្អបំផុតមានន័យច្រើនសម្រាប់វប្បធម៌ និងសម្រាប់ប្រទេសរបស់ពួកគេ។

MGH បានបញ្ជាក់ហេតុផល ដកខ្លួនចេញពីអង្គការ Miss Grand International ដោយមានការខកចិត្តយ៉ាងខ្លាំងចំពោះការព្យាបាលដែល MGI ផ្តល់ឱ្យនាយកជាតិ។ ជាអកុសល អង្គការ MGI ចាប់អារម្មណ៍តែប្រាក់របស់យើងប៉ុណ្ណោះ ហើយសូម្បីតែពេលនោះ ពួកគេមិនឱ្យតម្លៃលើការលះបង់ ឬការវិនិយោគដែលយើងជាអ្នកដឹកនាំធ្វើដើម្បីផ្សព្វផ្សាយម៉ាកយីហោនៅក្នុងប្រទេសរបស់យើង និងនាំបវរកញ្ញារបស់យើងទៅកាន់ប្រទេសម្ចាស់ផ្ទះនោះទេ។ ពួកគេមិនទទួលស្គាល់ថានាយកថ្នាក់ជាតិរបស់ពួកគេគឺជាអ្នកវិនិយោគពិតប្រាកដនៃការប្រកួតប្រជែងនិងផ្នែកសំខាន់បំផុតមួយរបស់ខ្លួន។ ក្នុងអំឡុងពេលនៃការប្រមូលផ្តុំ យើងមិនត្រូវបានផ្តល់អត្តសញ្ញាណជាអ្នកដឹកនាំនោះទេ ហើយក្នុងពេលជាមួយគ្នានេះ យើងត្រូវបានចោទប្រកាន់សម្រាប់ការចូលទស្សនាកម្មវិធីទាំងអស់។ ពេញមួយឆ្នាំ ពួកគេមិនដែលគិតដល់យើង ឬយកពេលវេលាដើម្បីថ្លែងសារអរគុណចំពោះការសហការរបស់យើងឡើយ។ វាគឺសម្រាប់រឿងនេះ និងហេតុផលជាច្រើនទៀតដែល សម្រេចចិត្តដកខ្លួន និងមិនបន្តកុងត្រាថ្មីសម្រាប់ហុងឌូរ៉ាស។

ស្ថាប័ននេះបានបញ្ជាក់ពីការសោកស្ដាយដែលសហការីនាយកជាច្រើនមិនហ៊ាននិយាយ ឬនិយាយអ្វីពីអ្វីដែលកំពុងកើតឡើង ដោយសារខ្លាចមានការសងសឹកពីក្រុមហ៊ុន MGI ក្នុងការដកសិទ្ធិផ្តាច់មុខ ហើយនោះជាមូលហេតុដែលលោកស្រី បញ្ចេញសំឡេងសម្រាប់អ្នកដែលមិនហ៊ាននិយាយ ឬប្រាប់ការពិតអំពីអំពើពុករលួយ និងការធ្វើបាបដោយ MGI ។

គួរបញ្ជាក់ថា ត្រឹមរយៈពេលខ្លីប៉ុណ្ណោះនាយកជាតិ៤ប្រទេសហើយសម្រេចចិត្ដដកខ្លួនចេញកម្មវិធី Miss Grand International របស់លោក ណាវ៉ាត់ ដែលមានដូចជាប្រទេសកម្ពុជា មីយ៉ាន់ម៉ា ឥណ្ឌា និង ប្រទេសហុងឌូរ៉ាស៕