ភូមិបុរាណដ៏ល្បីល្បាញមួយនៅវៀតណាមត្រូវបានពលរដ្ឋបោះបង់ចោល

ភូមិ Thien Huong ដែលមានអាយុកាលជាង ២០០ ឆ្នាំមានផ្ទះរាប់រយ ត្រូវបានពលរដ្ឋបោះបង់ចោល ដោយសារមូលហេតុទាំងនេះ។ ភូមិ Thien Huong ឬភូមិ Ma Pang ស្ថិតនៅស្រុក Dong Van ប្រទេសវៀតណាម បានរក្សានូវលក្ខណៈវប្បធម៌ និងស្ថាបត្យកម្មជាច្រើននៃផ្ទះប្រក់ក្បឿងដ៏ល្អឥខ្ចោះ។

ទោះជាយ៉ាងណាប្រជាជនក្នុងភូមិនេះបានចំណាកស្រុកចាកចេញពីលំនៅដ្ឋានជារៀងរហូត ដោយសារឥទ្ធិពលនៃខ្យល់ព្យុះញឹកញាប់ បណ្តាលឱ្យផ្ទះជាច្រើនខ្នងដួលរលំរាល់ឆ្នាំ និងមានស្នាមប្រេះជាច្រើនលេចឡើងគ្រប់ផ្ទះ បង្កឱ្យមានហានិភ័យដល់អាយុជីវិតប្រជាជន ទើបរដ្ឋាភិបាលសម្រេចផ្លាស់ប្តូរទីលំនៅរបស់ប្រជាជនទាំងអស់ ធ្វើឱ្យភូមិនេះក្លាយជាភូមិបុរាណ និងជាកន្លែងដែលត្រូវបានគេបោះបង់ចោលទាំងស្រុង។

ទោះបីជាយ៉ាងនេះក្តី ប្រធានមន្ទីរកសិកម្មស្រុក Dong Van បាននិយាយថា សព្វថ្ងៃរដ្ឋាភិបាលបានកំពុងប្រែក្លាយភូមិនេះទៅជាកន្លែងថ្មីសម្រាប់ស្វាគមន៍ភ្ញៀវទេសចរ ដោយសារភូមិ Thien Huong មានទីតាំងនៅជិតគោលដៅនានាដូចជាទន្លេ ផ្ទាំងថ្មបុរាណ និងខ្ពង់រាបថ្ម ដែលសុទ្ធតែជាកន្លែងសំខាន់ក្នុងការទាក់ទាញភ្ញៀវទេសចរ។

ចំណុចលេចធ្លោរបស់ភូមិនេះ បន្ថែមពីលើស្ថាបត្យកម្មបុរាណ ក៏មានដើមចេក ១០ ដើមដែលមានអាយុជាង ៤០០ ឆ្នាំ កាន់កាប់ដោយមនុស្សជិតដប់នាក់ ដែលត្រូវបានរក្សាទុកជាច្រើនជំនាន់ដោយមានជំនឿថា ដើមចេកនេះនឹងនាំមកនូវសំណាងល្អដល់ភូមិផងដែរ។ ប្រធានមន្ទីរកសិកម្មស្រុក Dong Van បានបន្តទៀតថា ពួកគេក៏គ្រោងនឹងសាងសង់ភូមិឡើងវិញ រួមជាមួយនឹងការស្តារឡើងវិញនូវស្ថាបត្យកម្មបុរាណ ដើម្បីអភិវឌ្ឍទេសចរណ៍។

បច្ចុប្បន្នភូមិនេះមានអាយុកាលជាង ២០០ ឆ្នាំមកហើយ គឺជាកន្លែងទេសចរណ៍ដ៏ល្បីល្បាញមួយ ដែលភ្ញៀវច្រើនតែឈប់សម្រាកនៅទីនេះ ដើម្បីទស្សនាទិដ្ឋភាពនៃភូមិបុរាណ ស្រូបយកខ្យល់អាកាស ទស្សនាធម្មជាតិដ៏ស្ងប់ស្ងាត់ និងបទពិសោធន៍ជីវិតរបស់ប្រជាជនក្នុងតំបន់ ចូលរួមក្នុងសកម្មភាពផ្សងព្រងដូចជា ដើរលេងតាមដងអូរ ដើម្បីចាប់ត្រី និងដុតនំប៉័ងជាដើម៕