ផលិតផលទាំង ៥ ប្រភេទនេះ សម្រាប់ស្ត្រីដែលមានអាយុលើសពី ៤០ឆ្នាំ គួរតែចៀសវាង ព្រោះផលិតផលទាំងនេះនឹងធ្វើឱ្យស្បែកមុខរបស់អ្នកងាយនឹងរងគ្រោះ ក៏ដូចជាមានភាពស្ងួត ស្រអាប់ រួមទាំងងាយប្រតិកម្ម…ជាដើម។ ដូច្នេះខាងក្រោមនេះគឺជាផលិតផលដែលស្ត្រីវ័យកណ្តាលគួរជៀសវាង៖
១.ក្រែមផ្តល់សំណើម៖ ក្រែមផ្តល់សំណើមគឺល្អសម្រាប់សុខភាពស្បែក ប៉ុន្តែស្ត្រីគួរតែចៀសវាងក្រែមផ្តល់សំណើមណាដែលមានក្លិនក្រអូបខ្លាំង ព្រោះសារធាតុក្រអូបនេះ នឹងធ្វើឱ្យកកស្ទះរន្ធញើស រួមទាំងនាំឱ្យមានការបែកញើស ដែលអាចបណ្តាលឱ្យរលាកស្បែកទៀតផង។ ដូច្នេះអ្នកគួរតែស្វែងរក “ក្រែមគ្មានក្លិន គ្មានជាតិប៉ារ៉ាបីន និងជាតិសំណើមគ្មានការរលាក”។
២.ប្រេងដូង៖ ប្រេងដូងត្រូវបានគេគិតថាមានអត្ថប្រយោជន៍ជាច្រើនសម្រាប់ស្បែក ប៉ុន្តែវាមិនមានភស្តុតាងគ្រប់គ្រាន់ដើម្បីបញ្ជាក់យ៉ាងពេញលេញនូវតួនាទីរបស់វាក្នុងការប្រឆាំងភាពចាស់នោះទេ។ ដូច្នេះសម្រាប់ស្ត្រីដែលមានអាយុលើសពី ៤០ឆ្នាំ មិនគួរប្រើប្រាស់ប្រេងដូងនោះទេ ព្រោះវានឹងបណ្តាលឱ្យកើតមុន ក៏ដូចជាធ្វើឱ្យលទ្ធភាពកើតមុនកាន់តែអាក្រក់ទៅៗ។.png)
៣.ក្រដាសជូតសម្អាតគ្រឿងសម្អាង៖ ក្រដាសជូតសម្អាតគ្រឿងសម្អាងដែលមានជាតិអាល់កុលខ្ពស់ គឺមិនល្អសម្រាប់ស្រ្តីអាយុលើសពី ៤០ឆ្នាំទេ។ ជំនួសឱ្យក្រដាស អ្នកគួរប្រើសំឡី ឬក្រណាត់ជូតទន់ៗ និងទឹកសម្អាតមុខទន់ភ្លន់ ព្រោះវាអាចចោលបាន ដែលកាត់បន្ថយហានិភ័យនៃការតុបតែងមុខ និងការប្រមូលផ្តុំបាក់តេរីនៅក្នុងការលាងសម្អាតជាបន្តបន្ទាប់។.png)
៤.អាល់កុល៖ ទឹកលាងមុខដែលមានសារធាតុអាល់កុលក៏អាចរួមចំណែកធ្វើឱ្យស្បែករបកនិងរមាស់ ស្បែកស្ងួត ឬស្បែកជ្រីវជ្រួញជាដើម។ ដូច្នេះចំពោះស្រ្តីអាយុលើសពី ៤០ឆ្នាំ គួរតែជៀសវាងផលិតផលដែលមានជាតិអាល់កុល។
៥.ហ្វូមលាងមុខដែលមានសារធាតុស៊ុលហ្វាត ៖ ស៊ុលហ្វាតត្រូវបានគេរកឃើញជាទូទៅនៅក្នុងហ្វូមលាងមុខ និងផលិតផលលាងសម្អាត ហើយអាចបណ្តាលឱ្យរលាកធ្ងន់ធ្ងរដល់ស្បែកចាស់ទុំ។ សារធាតុផ្សំនេះអាចធ្វើឱ្យរលាកស្បែកដែលងាយប្រតិកម្ម និងបណ្តាលឱ្យរមាស់ ឬឡើងក្រហមចំពោះមនុស្សមួយចំនួន៕
