ប្រទេសថៃ ៖ ពលរដ្ឋថៃលើកឡើងថា បច្ចុប្បន្ន មានពលករបរទេសជាច្រើននាក់ចូលមកធ្វើការនៅប្រទេសថៃទាំងស្របច្បាប់ និងខុសច្បាប់ ហើយពលករបរទេសទាំងនេះបានដណ្តើ.មការងាររបស់ពលរដ្ឋថៃ ។ ហេតុនេះ ពួកគេបានសំណូមពរឱ្យរដ្ឋាភិបាល និងស្ថាប័នពាក់ព័ន្ធជួយដោះស្រាយបញ្ហាពលករបរទេសខុសច្បាប់ដោយបញ្ជូនទៅស្រុកកំណើតវិញ ។
https://blogger.googleusercontent.com/img/b/R29vZ2xl/AVvXsEi6a8hHdmXKolT5uJfUDMws_FcgHDeNVeRbytl7HTo9C2jNuxBG7nXJyf8Ymc5OPWy9cJEgBwfYh3qy6J8gGxeu2Yzt0qIa8JqIT3DJ7aFLKGgKOz6s_oglbkP-tj0RY_lcOslMG1W0zArx70vnSkzNP2onl5myswpIgtyXgDmtxPqkfDL0JWtR7c8Lk6D-/s946/image_2024-10-29_14-49-14.png
ពលរដ្ឋថៃនិយាយថា ពលករបរទេសមួយចំនួនដែលមកធ្វើការនៅប្រទេសថៃ បានទាមទារឱ្យរដ្ឋាភិបាលថៃលើកកម្ពស់ និងផ្តល់សិទ្ធស្មើគ្នាជាមួយពលរដ្ឋថៃ ជាពិសេស ពលករមីយ៉ាន់ម៉ា ។ ពលករបរទេសខ្លះទៀតមកបើកអាជីវកម្មខ្លួនឯងលើទឹកដីថៃ ហើយសមត្ថកិច្ចពុំដែលចាប់ខ្លួនបានទេ ដោយសារពួកគេដឹងខ្លួនមុន ពេលសមត្ថកិច្ចចុះត្រួតពិនិត្យទីតាំងអាជីវកម្ម ។https://blogger.googleusercontent.com/img/b/R29vZ2xl/AVvXsEimJvXSjOPCIpKSfJCDDJHfE79aVYwAfRY9QriwdRcWXdldUJp9LTYZVb04lHxj1YnkLPYFMoRfQbJg6cDNPb6fKNwTkhtOZ1_1WPmroPhj9aC2qvexZfpBox6dVG-owd6Og58kcXo1KwWGcQeYBkoeqQXN_Pt4UrcGs3l1q9PD2mbOhoB6wVwmg8ncGFI7/s1080/image_2024-10-29_14-49-15%20(2).png

កាលពីថ្ងៃទី២១ ខែតុលា ឆ្នាំ២០២៤ សារព័ត៌មានថៃរាយការណ៍ថា រដ្ឋមន្ត្រីក្រសួងការងារថៃពុំបានផ្តល់ភាពសំខាន់លើពលករបរទេសទេ ហើយក្រសួងការងារនឹងចាត់វិធានការមិនឱ្យពលករបរទេសដណ្តើមការងារពលរដ្ឋថៃ ។ ពលករបរទេសគ្មានសិទ្ធបើកអាជីវកម្មទេ គឺពួកគេមានសិទ្ធត្រឹមតែលក់កម្លាំងពលកម្មប៉ុណ្ណោះ ។https://blogger.googleusercontent.com/img/b/R29vZ2xl/AVvXsEhc-K4MZuGWo0q-S9Mu69tMGobeAmkyRShfi07nrO9PQiUcLPsNL763546FLXrQTn2Afw8JO11V2jDf7yJ_ClIZWAk_86rvjpqOZSQlEEIFDCn3m_oIiQw5smDDn8atAZGwFvSVFA83VPcf82ggv4XQ4A4hCpvO7eEs4LbJz8OC9HyrtK-aG6VDYDkBcUVu/s983/image_2024-10-29_14-49-15%20(3).png

រដ្ឋមន្ត្រីក្រសួងការងារ លោក ផិផាត់ រ៉ាជឆាកិច្ចប្រាកាន បានចេញមុខបកស្រាយករណីមតិនានាលើកឡើងថា ក្រសួងការងារផ្តល់ភាពសំខាន់លើពលករបរទេសខ្លាំងពេក ដោយលោកបញ្ជាក់ថា ក្រសួងការងារព្យាយាមធ្វើឱ្យពលករបរទេស និងថៃមានសិទ្ធិស្មើៗគ្នា ស្របតាមការកំណត់របស់អង្គការពលកម្មអន្តរជាតិ (ILO) ដោយសារថៃជាសមាជិករបស់អង្គការនេះ ។https://blogger.googleusercontent.com/img/b/R29vZ2xl/AVvXsEiMKINforHh9ALpDEhZyPAxZSx4VJldzvK1Aaw7zPXAeSMKgHM3200puVHx6fK3q9mtiyKubGN-Sa2e7afpxlzYCXUElOnubmGmUC-Dk4ePqSyR8MmRYfFWdYWSmXlGplvDixJyBQzILp817x_SBImABhGQAu0pUZuljFty99llHrAO7RUI55SNUI-_QS2A/s1000/image_2024-10-29_14-49-15%20(4).png

លោករដ្ឋមន្ត្រីក្រសួងការងារបញ្ជាក់ថា លោកនឹងចាប់ផ្តើមអនុវត្តវិធានការចំនួន២ចំណុច ដើម្បីដោះស្រាយបញ្ហាពលករបរទេសដណ្តើមការងារពលរដ្ឋថៃ រួមមាន ៖ វិធានការការពារ និងការផាកពិន័យ តាមរយៈការបញ្ជូនសមត្ថកិច្ចចុះត្រួតពិនិត្យតាមទីតាំងធ្វើការរបស់ពលករបរទេស ។ https://blogger.googleusercontent.com/img/b/R29vZ2xl/AVvXsEgvgAFGG7e7PAWp3YUSb9xPD_b4u1y_W63N-4fh51qnAWu6dSEEG_ho8dmjifp7TOVDw_emfHqwwymzQLhnnM5miSU_TciY5v_Mk9VQHcDCyFlhjKVNH7U7de3enS2GsBBjj5jXr24CxigNzupjk6-thl9xdMxebiQsojuK-jdVIlDCfI1wxtO8ODnsY7Dh/s700/image_2024-10-29_14-49-15.png

លោក ផិផាត់ រ៉ាជឆាកិច្ចប្រាកាន រដ្ឋមន្ត្រីក្រសួងការងារនិយាយថា ៖ «វាជាការអនុវត្តតាមច្បាប់ថៃ គឺដាស់តឿន, ផាកពិន័យ និងបញ្ជូនពលករត្រឡប់ទៅប្រទេសកំណើតវិញ ហើយថៃពុំអនុញ្ញាតឱ្យពលករបរទេសប្រមូលផ្តុំគ្នាតវ៉ារឿងនយោបាយនៅលើទឹកដីថៃទេ» ៕