សម្តេចធិបតី ដកក្បាលម៉ាសុីនពន្ធនាគារ ម១ ក្រោយបែកធ្លាយរឿងចិនផឹកស៊ី

នៅថ្ងៃទី១៥ ខែតុលា ឆ្នាំ២០២៤ នាពិធីអបអរសាទរខួបអនុស្សាវរីយ៍៣០ឆ្នាំនៃថ្ងៃបង្កើត “កងពលតូចលេខ៧០” សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញបទបញ្ជាពិនិត្យផ្លាស់ប្ដូរក្បាលម៉ាសុីនដឹកនាំពន្ធនាគារ ម១ ក្រោយមានការបង្ហោះវីដេអូចិនផឹកសុីយ៉ាងសប្បាយរីករាយនៅក្នុងពន្ធនាគារ។

សម្តេចធិបតីក៏បាន ស្នើឱ្យឧបនាយករដ្ឋមន្ដ្រី ស សុខា រដ្ឋមន្ត្រីក្រសួងមហាផ្ទៃ ពិនិត្យស្រាវជ្រាវលើករណីនេះ និងពង្រឹងឱ្យបានតម្លាយភាព សុក្រិតភាព ស្របតាមច្បាប់ស្តីពីពន្ធនាគារនៅកម្ពុជា។

ជុំវិញករណីនេះ អគ្គនាយកដ្ឋានពន្ធនាគារ នៃក្រសួងមហាផ្ទៃ បានឹងកំពុងចាត់មន្ត្រីជំនាញចុះធ្វើអធិការកិច្ចស្រាវជ្រាវពី ឫសគល់នៃហេតុការណ៍ខាងលើ ព្រមទាំងអ្នកពាក់ព័ន្ធ ទាំងជនជាប់ឃុំ និងមន្ត្រីពន្ធនាគារ នៅមណ្ឌល អប់រំកែប្រែទី១។

អគ្គនាយកដ្ឋានពន្ធនាគារ ក៏បានអះអាងថាខ្លួននឹងធ្វើការបំភ្លឺជាសាធារណៈនូវលទ្ធផលស្ដីពីការធ្វើអធិការកិច្ច និងស្រាវជ្រាវរបស់ក្រុមការងារជំនាញក្រោយកិច្ចការនេះត្រូវបានបិទបញ្ចប់ដោយជោគជ័យ៕