វារីអគ្គិសនី គឺជាប្រភពនៃការផលិតថាមពលអគ្គិសនីមួយក្នុងចំណោមមធ្យោបាយនៃការបង្កើតថាមពលអគ្គិសនីជាច្រើនទៀត ដែលសព្វថ្ងៃកំពុងតែមានតម្រូវការខ្ពស់នៅតាមទីប្រជុំជន និងទីជនបទនានាពាសពេញផ្ទៃប្រទេស។ ដូច្នេះហើយបច្ចុប្បន្ននេះទំនប់វារីអគ្គិសនីគឺមានវត្តមានសឹងតែនៅគ្រប់ទន្លេ ឬស្ទឹងនានាជុំវិញពិភពលោកតែម្តង។ ទោះជាយ៉ាងណាតើលោកអ្នកដឹងទេថា ប្រទេសណាដែលត្រូវបានគេចាត់ទុកថាជាមជ្ឈមណ្ឌលវារីអគ្គិសនីធំបំផុតរបស់ពិភពលោក? 
ជាការពិតណាស់ប្រទេសដែលត្រូវបានគេចាត់ទុកថាជាមជ្ឈមណ្ឌលវារីអគ្គិសនីធំបំផុតរបស់ពិភពលោកគឺប្រទេសចិន។ នេះបើយោងតាមរបាយការណ៍ របស់រដ្ឋវារីអគ្គិសនីឆ្នាំ ២០២២ ប្រទេសចិននាំមុខគេលើពិភពលោកក្នុងសមត្ថភាពវារីអគ្គីសនីដែលបានដំឡើងច្រើនជាងគេ តាមពីក្រោយដោយប្រេស៊ីល សហរដ្ឋអាមេរិក និងកាណាដា។ ដូច្នេះទំនប់វារីអគ្គីសនីដ៏ធំបំផុតរបស់ពិភពលោកគឺ Three Gorges របស់ប្រទេសចិន ដែលមានទីតាំងនៅលើទន្លេ Yangtze លាតសន្ធឹងលើខេត្ត Hubei និងទីក្រុង Chongqing។.png)
ដំណើរការសាងសង់ទំនប់ Three Gorges បានចាប់ផ្តើមនៅក្នុងឆ្នាំ ១៩៩៤ ដែលមានប្រវែង ២,៣៥៥ ម៉ែត្រ និងទំនប់វារីអគ្គិសនីដែលមានកម្ពស់ ១៨៥ ម៉ែត្រពីលើនីវ៉ូទឹកសមុទ្រ។ គម្រោងនេះបានប្រើប្រាស់បេតុងទំហំ ២៧.២ លានម៉ែត្រគូប ជាចម្បងសម្រាប់ជញ្ជាំងទំនប់ និងដែកគ្រប់គ្រាន់សម្រាប់សាងសង់ចំនួន ៦៣។ ទំនប់នេះមានសមត្ថភាពប្រមាណ ៣៩,៣ គីឡូម៉ែត្រក្រឡា និងបរិមាណទឹករហូតដល់ ៤២ ពាន់លានតោន។ ហេតុនេះទំនប់ Three Gorges របស់ប្រទេសចិនត្រូវបានគេចាត់ទុកថាជាមជ្ឈមណ្ឌលវារីអគ្គិសនីធំបំផុតរបស់ពិភពលោក។
គួរបញ្ជាក់ដែរថា ប្រទេសចិនបច្ចុប្បន្នមានរោងចក្រវារីអគ្គីសនីធំៗចំនួន ៦ នៅតាមបណ្តោយផ្នែកខាងលើ និងកណ្តាលនៃទន្លេ Yangtze ដែលបង្កើតបានជាច្រករបៀងថាមពលស្អាតធំបំផុតនៅលើពិភពលោក។ ទឹកពីទន្លេ Yangtze ឆ្លងកាត់រោងចក្រវារីអគ្គិសនីចំនួន ៦ ពីមួយទៅមួយ មានន័យថា ដំណក់ទឹកនីមួយៗត្រូវបានប្រើប្រាស់សម្រាប់ផលិតអគ្គិសនីចំនួន ៦ ដង៕
