បន្ទាប់ពីអ្នកបង្កើតមាតិកា Allan លើកឡើងពីកុនខ្មែរទៅលើខ្សែភាពយន្តនាងនាថវគ្គ២មក ធ្វើឱ្យមានការវែកញែកយ៉ាងខ្លាំងនៅលើបណ្តាញសង្គម។ រឿងនេះកាន់តែរីករាលដាលបន្ថែមទៀតរវាង Allan និងលោក Sokhorn Oeun ជាគ្រូជំនាញហាងឆេងមាសបានឆ្លើយឆ្លងគ្នាយ៉ាងក្តៅគគុកទៅលើវិស័យកុនខ្មែរ ខណៈទស្សនិកជនរង់ចាំមើលការលើកឡើងអ្នកទាំងពីរពីការបណ្តក់ទុន៨ម៉ឺនដុល្លារនឹងចេញជាលទ្ធផលបែបណា?
កាលពីថ្ងៃទី២២ កញ្ញា Allan បានលើកឡើងនៅលើបណ្តាញសង្គមថា សាច់រឿងនាងនាថវគ្គ២គឺចាញ់រឿងវគ្គមួយទៅទៀត ហើយលោកក៏បញ្ជាក់ថានឹងចេញវីដេអូនាពេលខាងមុខលើកយក៤ចំណុចមកនិយាយ។ ការលើកឡើងរបស់លោកបានរងនូវការវែកញែកយ៉ាងខ្លាំង ខណៈរឿងនេះកាន់តែក្តៅគគុកថែមទៀតបន្ទាប់ពីគណនី ហ្វេកប៊ុកឈ្មោះថា « Sokhorn Oeun » បានចូលខម្មិនថា បើមានរឿងខ្មែរណាថតបានល្អជាងនេះជួយណែនាំលោកផង និងបានបោះពាក្យថាបើ Allan អាចធ្វើល្អជាងនេះជួយថតឱ្យលោកមួយរឿង លោកជាអ្នកចេញលុយឱ្យថត។ .png)
ក្រោយពីលោក Sokhorn Oeun ដែលបានដាក់នៅលើប្រូហ្វាល់ថាជាគ្រូជំនាញហាងឆេងមាស លើកឡើងបែបនេះ Allan បានលើកឡើងនៅលើបណ្តាញសង្គមនាយប់ថ្ងៃទី២៤ ខែកញ្ញា ថាបើលោក Sokhorn Oeun ដោយ Allanហៅថាពូ ហ៊ាននិយាយបែបនេះហើយ ត្រូវតែហ៊ានធ្វើ(ក្នុងនាមជាកូនប្រុសម្នាក់) ដោយបានផ្តល់ចម្លើយ “Yes” ខ្ញុំនឹងទទួលយកការវិនិយោគទុនរបស់លោក Sokhorn មកដើម្បីថតរឿងខ្លួនដែលលោកចង់បង្កើតយូរណាស់មកហើយដែលមានទីតាំងថតនៅភ្នំពេញ, ខេត្តសៀមរាប និងប្រទេសជប៉ុន ដោយត្រូវការថវិកាគឺត្រឹមតែ ៨ម៉ឺនដុល្លារតែប៉ុណ្ណោះ។ Allan បានបញ្ជាក់ថាសំណេរនេះមិនមែនជាសំណើដែលលោកសុំ លោក Sokhorn ទេតែជាការឆ្លើយតប។ 
ការលើកឡើងរបស់ Allan ត្រូវការដើមទុន៨ម៉ឺនដុល្លារនេះលោក Sokhorn បានឆ្លើយតបទៅ Allan វិញថា ក្នុងឆ្នាំ ២០២៤ នេះលោកវិនិយោគកុនមិនក្រោម ១១ រឿងនោះទេ រឿងអីដែលថារឿងត្រឹម ៨ ម៉ឺនលោកហ៊ាន វិនិយោគនោះ?! ប៉ុន្តែ ត្រង់ថា រឿងដែល Allan ថតហើយយទទួលយកជាការបានទេ ឬថតហើយ ឱ្យលោកបោះលុយរបស់ខ្លួនចោលទទេៗ? ហើយមានអ្វីមកបញ្ជាក់ទេ បើសូម្បីតែ Allan review ផលិតផល ប្រឹង boost ផង បានមិនដល់ 10k-20k views ផងនោះ?! តើមានអ្វីជាអំណេះអំណាងអ្វីកក់ក្ដៅសម្រាប់លុយម្ចាស់ទុនទេ?។ លោក Sokhorn លើកឡើងទៀតថាបើ Allan
ចេះត្រឹមតែ review ផលិតផលទេ, កុំធ្វើអ្វីខុសជំនាញអី នាំគេជេរ។ 
ក្រោយពីទាមទារមានអ្វីជាសម្អាងក្នុងការបណ្តក់ទុកចំនួន៨ម៉ឺនដុល្លារ Allan ក៏បានបញ្ជាក់ថា បើសិនជាមានបញ្ហាអ្វីលោកនឹងប្រគល់ទឹកប្រាក់៨ម៉ឺនដុល្លារឱ្យលោក Sokhorn វិញភ្លាម។ បន្ទាប់ពីធានាអះអាងបែបនេះលោក Sokhorn បានលើកឡើងថា «ខ្ញុំទទួលបានការធានាហើយ គាត់នឹងសងលុយខ្ញុំវិញ ៨ ម៉ឺន បើគាត់ធ្វើមិនបាន! តស់អ៊ីចឹងក្មួយរៀបចំថ្ងៃធ្វើបទបង្ហាញ និងចុះកិច្ចសន្យា មកចុះ បញ្ជាក់៖ បងប្អូនសាធារណជន ក៏អាចចូលរួមជាសាក្សី ដឹងឮផងដែរ»៕
