IU បង្កើតប្រវត្តិសាស្ត្រជាតារាចម្រៀងស្រីដំបូងបានប្រគំតន្ត្រីទោលនៅកីឡដ្ឋានធំបំផុតរបស់កូរ៉េ

IU បានបញ្ចប់ការប្រគំតន្ត្រីដ៏ធំរបស់នាងនៅកីឡដ្ឋាន Seoul World Cup ដែលត្រូវបានគេស្គាល់ថាជា «Sangam (Stadium)» ។ ការប្រគំតន្ត្រីនេះបានធ្វើឡើងនៅពហុកីឡដ្ឋានដ៏ល្បីរបស់ទីក្រុងសេអ៊ូល ដែលមានកៅអីអង្គុយចំនួន ៦៦,៧០៤ រួមទាំងកៅអី VIP ចំនួន ៨១៦ កៅអីសារព័ត៌មានចំនួន ៧៥៤ និងបន្ទប់ឯកជនចំនួន ៧៥។

ក្នុងនាមជាកីឡដ្ឋានដ៏ធំបំផុតក្នុងប្រទេសកូរ៉េ និងជាកន្លែងប្រកួតបាល់ទាត់ដ៏ធំបំផុតមួយក្នុងចំនោមទីលានបាល់ទាត់ធំជាងគេទាំង ៥នៅអាស៊ី វាជាកន្លែងដែលបានរៀបចំការប្រគំតន្ត្រី K-pop មួយចំនួនដែលជ្រើសរើសដោយ Seo Taiji និង Boys, Big Bang និង Seventeen ។ឥឡូវនេះ IU បានក្លាយជាអ្នកចម្រៀងស្រីដំបូងគេ និងជាអ្នកសិល្បៈទោលទី៣ ដែលរៀបចំការប្រគំតន្រ្តីនៅកន្លែងដ៏ធំនេះបន្ទាប់ពី G-Dragon និង Lim Young Woong ។

ក្នុងអំឡុងពេលនៃការប្រគំតន្ត្រី IU បានធ្វើឱ្យអ្នកគាំទ្រភ្ញាក់ផ្អើលជាមួយនឹងការចេញផ្សាយបទចម្រៀងថ្មីរបស់នាង «Bye Summer» ។ ព្រឹត្តិការណ៍នេះក៏បានទាក់ទាញទស្សនិកជនដែលចូលរួមដោយតារាល្បីៗរួមមាន V សមាជិក BTS , G-Dragon, LE SSERAFIM, និងតារាល្បីៗជាច្រើនរូបទៀត។ អ្នកនិយមលេងអ៊ីនធឺណិតបានអបអរសាទរ IU ដោយបានបន្សល់ទុកនូវសារអស់ពីចិត្ត និងសរសើរនាងចំពោះការប្រគំតន្ត្រីដែលមិនអាចបំភ្លេចបាន។

អ្នកគាំទ្របានបញ្ចេញមតិថា « ទីតាំងមើលទៅពិតជាធំណាស់ ,វាជាការប្រគំតន្ត្រីដែលធ្វើឱ្យអ្នកមានអារម្មណ៍ថានាងជាសិល្បករដែលស័ក្ដិសមសម្រាប់កន្លែងដ៏ធំបែបនេះ, Wow IU ពិតជាអស្ចារ្យខ្លាំងណាស់ , IU បានបញ្ចេញថាមពលសំឡេងរយៈពេលបីម៉ោងជាប់គ្នា តើនឹងមានតារាចម្រៀងស្រីម្នាក់ទៀតដែលអាចលើស IU ដែរឬទេ?»។

គួរបញ្ជាក់ថា IU ជាតារាល្បីម្នាក់មិនត្រឹមតែមានសម្រស់ស្រស់ស្អាត ពូកែច្រៀង សម្តែង ប៉ុណ្ណោះទេតែនាងក៏ល្បីខាងចិត្តសប្បុរសធម៌ដូចគ្នាដោយបង្ហាញការបរិច្ចាគទឹកប្រាក់រាប់ម៉ឺនដុល្លារក្នុងឱកាសផ្សេងៗទៅកាន់កុមារ មនុស្សចាស់ និងអ្នកខ្លះខាតផ្សេងទៀត។ មិនត្រឹមតែហ្វេនៗប៉ុណ្ណោះទេដែលស្រលាញ់នាង អ្នកក្នុងចង្កោមសិល្បៈជាច្រើនតែងតែបង្ហាញការចូលចិត្តនិងទុកនាងជាបុគ្គលគម្រូម្នាក់៕