ឆ្នាំក្រោយ! ប្រាក់ឈ្នួល កម្មករនិយោជិតឡើងដល់២០៨ដុល្លារ

ការចរចាប្រាក់ឈ្នួលកម្មករក្នុងវិស័យកាត់ដេរសម្រាប់ឆ្នាំ២០២៥ត្រូវភាគីនិយោជក និងភាគីសហជីពតំណាងកម្មករបោះឆ្នោតលើសំឡេងគាំទ្រចំនួន៤៦លើ៥១សំឡេងស្តីពីប្រាក់ឈ្នួលកម្មករចំនួន២០៦ដុល្លារ។

នៅក្នុងនោះ សម្តេចធិបតី ហ៊ុន ម៉ាណែត បន្ថែម២ដុល្លារទៀត ធ្វើឱ្យប្រាក់ឈ្នួលជាផ្លូវការសម្រាប់ឆ្នាំ២០២៥ មានចំនួន២០៨ដុល្លារ។

បើតាមប្រសាសន៍របស់សម្តេចធិបតីបានលើកឡើងថា៖” ការដំឡើងប្រាក់ឈ្នួលអប្បបរមាឆ្នាំ ២០២៤ នេះ ទោះតិច ឬច្រើនក្តី គឺដើម្បីជួយសម្រួលដល់ការលំបាកខ្លះរបស់បងប្អូនកម្មករនិយោជិត។ រដ្ឋាភិបាលបាននឹងកំពុងព្យាយាមជំរុញឱ្យអាជ្ញាធររកវិធានការកាត់បន្ថយបន្ទុកចំណាយរបស់កម្មករក្នុងវិស័យកាត់ដេរដែរ”។

គួរជម្រាបថា ប្រាក់ឈ្នួលកម្មករសម្រាប់ឆ្នាំ២០២៥នឹងមានចំនួន២០៨ដុល្លារ ពោលកើនឡើងចំនួន៤ដុល្លារ បើធៀបនឹងប្រាក់ឈ្នួលឆ្នាំ២០២៤ ដោយការដំឡើងនេះ ធ្លាប់ត្រូវបានសហជីពឯករាជ្យសម្តែងការមិនពេញចិត្តចំពោះការសម្រេចរបស់រដ្ឋាភិបាលកាលពីឆ្នាំ២០២៣កន្លងទៅ៕