ប្លែកទៀតហើយ! ប្រទេសស្វីសបានបង្កើតគ្រែអត្ត.ឃាតដំបូងគេលើពិភពលោក

បរទេស៖ ថ្មីៗនេះយោងតាមការចុះផ្សាយរបស់ Business-Standard កាលពីថ្ងៃទី២០ ខែកក្កដា ឆ្នាំ២០២៤ បានឱ្យដឹងថា ក្រុមអ្នកជំនាញរបស់ប្រទេសស្វីសបានបង្កើតគ្រែអត្ត.ឃាតដំបូងគេបង្អស់លើពិភពលោក ដែលអនុញ្ញាតឱ្យបុគ្គលម្នាក់ៗបញ្ចប់ជីវិតរបស់ពួកគេយ៉ាងងាយស្រួលបំផុតដោយមិនមានការឈឺចាប់ឡើយ។

យោងតាមគេហទំព័រនេះ គ្រែអត្ត.ឃាតមានឈ្មោះថា “Sarco Capsule” ត្រូវបានណែនាំក្នុងឆ្នាំ ២០១៩ និងដំណើរការដោយជំនួសអុកស៊ីសែនជាមួយនឹងអាសូតនៅក្នុងផើងដែលនាំឱ្យមនុស្សស្លាប់ត្រឹមតែរយៈពេល ៣០ វិនាទីប៉ុណ្ណោះ។ ដូច្នេះសម្រាប់អ្នកដែលចង់ធ្វើអត្ត.ឃាតអាចប្រើប្រាស់ឧបករណ៍នេះបានដោយចំណាយត្រឹមតែ ២០ ដុល្លារអាមេរិកប៉ុណ្ណោះ។

បើតាមសេចក្តីរាយការណ៍ពីអង្គការ ‘The Last Resort’ បាននិយាយថា មិនមានការរារាំងផ្លូវច្បាប់ណាមួយក្នុងការប្រើប្រាស់ឧបករណ៍នេះនៅក្នុងប្រទេសស្វីសនោះទេ ដែលឧបករណ៍នេះអនុញ្ញាតិឱ្យមនុស្សបញ្ចប់ជីវិតរបស់ពួកគេយ៉ាងងាយស្រួលបំផុតដោយមិនមានការឈឺចាប់ឡើយ និងជំនួសឱ្យការធ្វើអត្តឃាតដោយសកម្មភាពខ្លួនឯង។ ឧបករណ៍ Sarco Capsule គឺជាគ្រែអត្ត.ឃាតដែលមានសារធាតុពុលខ្លាំង នៅពេលមនុស្សចូលគេងក្នុងនោះ ហើយចុចកុងតាក់ សារធាតុពុលនឹងជ្រាបចូលក្នុងខ្លួន ជាហេតុធ្វើឱ្យមនុស្សស្លា.ប់លឿនបំផុត។

បើតាមលោក Florian Willet នាយកប្រតិបត្តិនៃ The Last Resort ក៏បានឱ្យដឹងដែរថា ឧបករណ៍ Sarco Capsule នឹងដាក់ពង្រាយនៅក្នុងប្រទេសស្វីសនាពេលឆាប់ៗនេះ។ ទោះជាយ៉ាងណា ឧបករណ៍នេះមិនត្រូវបានណែនាំព័ត៌មានលម្អិតនៃការប្រើប្រាស់នោះទេ ដោយសារអង្គការមានបំណងជៀសវាងពីប្រព័ន្ធផ្សព្វផ្សាយ ក៏ដូចជាចង់រក្សាកម្មសិទ្ធឯជនដោយផ្ទាល់ និងប្រព្រឹត្តទៅនៅក្នុងកន្លែងស្ងប់ស្ងាត់ណាមួយ។

គួរបញ្ជាក់ដែរថា ឧបករណ៍ Sarco Capsule ត្រូវបានប្រើប្រាស់សម្រាប់មនុស្សដែលមានអាយុលើសពី ៥០ ឆ្នាំ ប៉ុន្តែការលើកលែងក៏អាចត្រូវបានធ្វើឡើងចំពោះអ្នកជំងឺធ្ងន់ធ្ងរដែលមានអាយុលើសពី ១៨ ឆ្នាំផងដែរ។ Sarco Capsule ត្រូវបានបង្កើតឡើងដោយអង្គការមិនរកប្រាក់ចំណេញរបស់ Nitschke Exit Internationa ក្នុងគោលបំណងឱ្យមនុស្សបញ្ចប់ជីវិតរបស់ពួកគេយ៉ាងងាយស្រួលបំផុតដោយមិនមានការឈឺចាប់ ដោយជំនួសការធ្វើអត្តឃាតដោយសកម្មភាពខ្លួនឯងដូចជា លេបថ្នាំគ្រាប់ ឬប្រើអាវុធមុតស្រួចជាដើម៕