គម្រោងវារីអគ្គិសនីស្ទឹងពោធិ៍សាត់១ អនុភាព ៨០មេហ្កាវ៉ាត់ កំពុងត្រូវបានសាងសង់យ៉ាងញាប់ដៃញាប់ជើង ក្រោយពីមានភាពយឺតយ៉ាវ ក្នុងអំឡុងការរីករាលដាលជំងឺកូវីដ១៩។
បច្ចុប្បន្ន គម្រោងវារីអគ្គិសនីនេះ សាងសង់បាន៣៥ភាគរយហើយ ដោយរំពឹងថានឹងបញ្ចប់ការសាងសង់ និងដាក់ឱ្យប្រើប្រាស់ជាផ្លូវការនៅក្នុងឆ្នាំ២០២៦។
គម្រោងនេះ គឺជាគម្រោងវារីអគ្គិសនីថាមពលស្អាត ដែលអនុភាព៨០មេហ្កាវ៉ាត់ ដែលត្រូវបានរាជរដ្ឋាភិបាល ក្រោមការដឹកនាំរបស់សម្ដេចតេជោ ហ៊ុន សែន អតីតនាយករដ្ឋមន្ត្រីនៃកម្ពុជា បានអនុម័តមុនកូវីដ១៩។
បញ្ហាចោទ ដែលធ្វើឱ្យគម្រោងនេះ យឺតជាផែនការ ដោយសារតែវិបត្តិកូវីដ១៩ បានធ្វើឱ្យមានការកកស្ទះ ដល់ដំណើរការហិរញ្ញប្បទាន ដែលឈានទៅដល់ការរាំងស្ទះការសាងសង់៕
