កាលពីពេលថ្មីៗនេះតារាចម្រៀង K-pop ដ៏ល្បីឈ្មោះ LISA សមាជិក BLACKPINK បានចេញ MV ទោលថ្មីមួយដែលមានចំណងជើងថា “ROCKSTAR” ដោយក្នុង MV នោះនាងបានពាក់អាវស្បែកពណ៌ខ្មៅមានរចនាប័ទរូបផ្កាយ ត្រូវបានគេចោ.ទប្រកាន់ថា បានលួ.ចចម្លងម៉ូតអាវរបស់អ្នករចនាជនជាតិចិនម្នាក់ឈ្មោះ Yang Yue ដោយគ្មានសុំការអនុញ្ញាត។
បើយោងតាម South China Morning Post បានឱ្យដឹងថា Yang Yue ដែលជាសិល្បករតុបតែងមុខ និងជាអ្នកច្នៃម៉ូដមកពីទីក្រុងប៉េកាំងប្រទេសចិន បានធ្វើការចោទប្រកាន់តារាល្បី LISA លួចចម្លងម៉ូតអាវរបស់ខ្លួននៅលើបណ្តាញសង្គម Xiaohongshu បង្កឱ្យមានភាពចម្រូសចម្រាសយ៉ាងខ្លាំង។
អ្នកច្នៃម៉ូតជនជាតិចិនរូបនេះបានសរសេរថា LISA មិនត្រឹមលួចចម្លងរូបផ្កាយរបស់គេទេ ថែមទាំងយកស្ទីលកាត់អាវដូចគេទៀត។ ភ្លាមនោះអ្នកគាំទ្រ LISA ជាច្រើនក៏បានចេញមុខការពារ ក៏ដូចជាបញ្ចេញមតិរិះគន់អ្នកច្នៃម៉ូតជនជាតិចិនម្នាក់នោះថា តើអ្នកមានអ្វីមកបញ្ជាក់ថា LISA លួចចម្លងម៉ូតរបស់អ្នក? អ្នកខ្លះទៀតក៏ខំមិនថា ប្រហែលបុគ្គលនោះចង់ល្បីហើយ។
ដើម្បីបញ្ជាក់ថាការរចនាម៉ូតអាវផ្កាយជាកម្មសិទ្ធផ្ទាល់របស់ Yang Yue ក៏បានបង្ហោះការចនាម៉ូតអាវរបស់នាងកាលពីឆ្នាំ ២០២០ ដោយក្នុងរូបបង្ហោះនោះអាវផ្កាយពិតជាស្រដៀងនឹងអាវរបស់ LISA ពាក់មែន ប៉ុន្តែម៉ូតអាវផ្កាយរបស់ Yang Yue បានភ្ជាប់ជាមួយសំពត់ ខណៈអាវផ្កាយរបស់ LISA មិនមានសំពត់ឡើយ។
Yang បានសរសេរថា “នាងជាម្ចាស់ដើម LISA ពិតជាលួចចម្លងម៉ូតរបស់នាងមែន” Yang បានបន្តថា នាងព្យាយាមទាក់ទងទៅអ្នករចនាម៉ូដ Lisa ប៉ុន្តែមិនបានទទួលការឆ្លើយតបទេ។ មិនយូរប៉ុន្មានរចនាម៉ូតជនជាតិចិនរូបនេះក៏បានទទួលសារសុំទោសពីភ្នាក់ងារ LISA ដោយពួកគេបាននិយាយថាវានឹងមិនកើតឡើងម្តងទៀតទេ យើងសូមអភ័យទោសដោយស្មោះ»៕
