តារាសម្តែងចិន Wang Yibo ដែលថ្មីៗនេះត្រូវបានតែងតាំងជាទូតសុឆន្ទៈម៉ាកយីហោពិភពលោកថ្មី Loewe របស់អេស្ប៉ាញបានបង្ហាញខ្លួនក្នុងកម្មវិធីនៅឯ Paris Fashion Week ។ សំលៀកបំពាក់របស់តារាប្រុសរូបនេះបានពាក់អាវពណ៌ខ្មៅ និងមានក្រណាត់លេងស្ទាយ៍ចម្រុះពណ៌រហូតធ្វើឱ្យអ្នកលេងអ៊ីនធឺណិតប្រៀបធៀបទៅនឹងច្រាស់ដុសបង្គន់ អំបោសបោសតុ និងរបស់របរជាច្រើនទៀត។.png)
តារាសម្តែងវ័យ២៦ឆ្នាំរូបនេះបានភាពល្បីល្បាញនៅក្នុងរឿង The Untamed និង Legend of Fei បានពាក់អាវពណ៌ខ្មៅដែលនិង ក្រណាត់ពណ៌ផ្កាឈូក ពណ៌ទឹកក្រូច លឿង និងខៀវ។យោងតាមរបាយការណ៍របស់ប្រព័ន្ធផ្សព្វផ្សាយ អាវនេះគឺជាប្រភេទមួយនៃម៉ាកយីហោ ដែលតារាប្រុសរូបនេះជាអ្នកតំណាងហើយនឹងមិនត្រូវបានផលិត ឬលក់លើទីផ្សារឡើយ។.png)
អ្នកគាំទ្រមួយចំនួនបានសរសើរថាជាម៉ូតទាន់សម័យ ហើយក៏មនុស្សជាច្រើនបានចាប់អារម្មណ៍នឹងវា។ ប៉ុន្តែអ្នកខ្លះទៀតបានប្រៀបធៀបទៅជារបស់ផ្សេងទៀតដោយសារតែ ចម្រុះពណ៌។ អ្នកនិយមលេងអ៊ិនធឺណិតបានប្រៀបធៀបសំលៀកបំពាក់របស់ Wang Yibo ទៅនឹងវត្ថុផ្សេងៗជាច្រើន ច្រាស់ដុសបង្គន់ សីដក់ អំបោសបោសតុដែលមានពណ៌ចម្រុះនិងរបស់របរផ្សេងទៀត។.png)
ក្នុងនោះអ្នកនិយមលេងអ៊ីនធឺណិតខ្លះក៏ប៉ាន់ស្មានថាតារាសម្តែងចិនរូបនេះក៏ទំនងជាមិនពេញចិត្តម៉ូតនេះដូចគ្នាព្រោះតែតារាប្រុសរូបនេះបានជ្រើសរើសបង្ហោះរូបភាពលើ Instagram ជារូបភាពសខ្មៅ។ តារារូបនេះក៏បង្ហាញមុខមិនសប្បាយចិត្តក្នុងកម្មវិធីនោះដែរ ដោយបញ្ចេញទឹកមុខជូរចត់។ អ្នកខ្លះបានបញ្ចេញមតិថា ៖ «ជាមួយនឹងឈុតនោះ វាមិនចម្លែកទេដែលគាត់មិនញញឹម»៕
