អ្នកគាំទ្រវិស័យបវរកញ្ញាផ្ទុះការភ្ញាក់ផ្អើលយ៉ាងខ្លាំងបន្ទាប់ពីកញ្ញា ខាត់ ស្រីច័ន្ទ PD Miss Grand កំពង់ឆ្នាំង ចេញមកបង្ហោះស្តាយលុយធ្វើខុសកម្មវិធី និងពាក្យសម្តីមួយចំនួនទៀត ខណៈលោកស្រី អ៊ឹម សុគន្ធា ND Miss Grand Cambodia ចេញមកផ្លែផ្កាវិញថារបស់ឱ្យ Free សោះអ្នកណាជាអ្នកស្តាយឱ្យពិតប្រាកដ និងបានបោះសម្តីទៀតថា «ភ្លេចកំណើត»។https://blogger.googleusercontent.com/img/b/R29vZ2xl/AVvXsEjNV__SeBezC2MH93ZSBSIBjyvsyoE7LMOSFg329kqHo-Ok6xtFWVkoVzNsmkdWL4gMMO5kF0zIJUsKKX5jup3PRWafYYN8XNdzhDl072kYfeP69kdGZfX-KZXVRnvZSP3o1MgWi5Da8igIjKoQfd3dcnybwdlJNtSeU6oNFlHTPw0FnPK8fvT49OmJbBs/s2048/image_2024-06-10_12-01-36.png

បន្ទាប់ពីប្រកួតឈុតតំណាងជាតិកាលពីថ្ងៃសៅរ៍ ទី៨ មិថុនា កម្មវិធីប្រកួត Miss Grand Cambodia 2024 ដឹកនាំដោយលោកស្រី អ៊ឹម សុគន្ធា ចាប់ផ្តើមមានសន្ទុះជាងមុនទាំងភាពវិជ្ជមាន និងអវិជ្ជមាន ខណៈហេតុការណ៍ធ្វើឱ្យស្រទាប់អ្នកស្នេហាវិស័យបវរកញ្ញាផ្ទុះការភ្ញាក់ផ្អើលនិងមានភាពងឿងឆ្ងល់នោះគឺអ្នកគ្រប់គ្រងថ្នាក់ជាតិកម្មវិធីនេះនិងអ្នកគ្រប់គ្រងថ្នាក់ខេត្តកំពង់ឆ្នាំងចេញមកបង្ហោះសារផ្លែផ្កាពាក្យសម្តីមុតៗឱ្យគ្នាទៅវិញទៅមក។https://blogger.googleusercontent.com/img/b/R29vZ2xl/AVvXsEhP0m56cjAeOXQve5VSevfM8JzeKg9bvfTXwV6LHJoZjV11EdccQJnA-MU4dxYUijFyRLCe75BpdQpBeu7WuES3HD4ltCBNQFFuCxq6QGqOWW2Hz_qwWVDk7tAdK4AWTRmmyDRyAyIzecdvyx-OcE_l9lnx7IipJ5xui_fENpnKiFr0wrZlsDGz1G8bCg4/s1863/image_2024-06-10_12-01-37.png

វេលាម៉ោងជាង៨យប់ ថ្ងៃទី៩ មិថុនា កញ្ញា ខាត់ ស្រីច័ន្ទ ដែលមានគណនីបណ្តាញសង្គម Kate cat និងជា PD ខេត្តកំពង់ឆ្នាំង មាន ប៊ី សុធារី ជាអ្នកតំណាងខេត្តនេះបានចេញមកបង្ហោះថា «ខ្ញុំស្ដាយលុយដែលធ្វើខុសកម្មវិធីនេះជាខ្លាំង ល្អមើលខ្លាំងម៉ងយាយមែន »។ មួយប្រយោគនេះបានធ្វើឱ្យអ្នកតាមដានវិស័យកញ្ញាផ្ទុះការងឿងឆ្ងល់យ៉ាងខ្លាំងថាតើនាងកំពុងនិយាយពីកម្មវិធីណាមួយ។https://blogger.googleusercontent.com/img/b/R29vZ2xl/AVvXsEgFhaGcRw2ACUNCpMw9gZjVUc1mLTPmcor7mXLY9WT78568J1fUZodWRH1ja563ECJEyKGuIrNbrslyUCIo4jCVZvpPShcoSIVVZrCrCSPQ1zEP0-ObGmTJWENolse_NDxTAWg5mX7d8zDSHiEjmYHimM4ESD48AiHn5T51foYqiGY6hY_tskyS6dJbOi8/s2048/image_2024-06-10_12-01-43.png

មិនដល់២ម៉ោងក្រោយមកលោកស្រី អ៊ឹម សុគន្ធា ND Miss Grand Cambodia ចេញមកបង្ហោះសារយ៉ាងក្តៅគគុកមួយដែរថា «អីគេស្តាយលុយ ចង់តែសើចឱ្យមនុស្សលើលោកឃើញទេ…ព្រះអង្គអើយ របស់ឱ្យfreeសោះ តើអ្នកស្តាយជានរណាគេឱ្យពិត ភ្លេចកំណើតពិតៗ»។

ការបង្ហោះផ្លែផ្កាឱ្យគ្នាទៅវិញទៅមកនេះទាក់ទាញការចាប់អារម្មណ៍យ៉ាងខ្លាំងខណៈ កញ្ញា ខាត់ ស្រីច័ន្ទ បានបង្ហោះសារថ្មីមួយទៀតដោយសម្តីយ៉ាងសាហាវជាភាសាអង់គ្លេស និងភ្ជាប់មកជាភាសាខ្មែរ«ដោះ ស្រាយធ្វើកម្មវិធីខ្លួនឱ្យតែល្អកុំមក involve ជាមួយMe ថយចេញឱ្យឆ្ងាយ 1000000km»។https://blogger.googleusercontent.com/img/b/R29vZ2xl/AVvXsEi8bD2cZoU6W7RQJkn2f3Pv3lNJmvXKr-zDETQKsntqg-oGtuuZMR7ohCwzI7NTKFu6l867HeA3EBqCBR6L3eHko1qRq7Kz32Di2xK6KCs7_Zqk_PevO2biefcF60Iub-TrxVz0JErNip5Q616oebwA0tghCYx9xgW3C6DsFBpNjUEc_po4kXEwHGX6Dew/s2048/image_2024-06-10_12-01-44.png

គេមិនដឹងថាកញ្ញា ខាត់ ស្រីច័ន្ទ និងលោកស្រី អ៊ឹម សុគន្ធា មានបញ្ហា ខ្នក់ចិត្ត រឿងអ្វីនោះទេទើបទម្លាយនៅលើបណ្តាញសង្គមបែបនេះនាំឱ្យអ្នកគាំទ្រព្រួយបារម្ភចំពោះបេក្ខភាពចូលរួមប្រកួតនៅពេលអ្នកគ្រប់គ្រងថ្នាក់ខេត្តនិងអ្នកគ្រប់គ្រងថ្នាក់ជាតិមានបញ្ហាចម្រូងចម្រាសនឹងគ្នាបែបនេះ៕