IU គឺជាតារាចម្រៀង អ្នកនិពន្ធបទចម្រៀង និងជាតារាសម្តែងដ៏ល្បីឈ្មោះមួយរូបរបស់កូរ៉េខាងត្បូង។ នាងបានប្រឡូកចូលក្នុងវិស័យសិល្បៈតាំងពីអាយុ ១៥ ឆ្នាំមកម្លេះ រហូតមកដល់ពេលនេះនាងមានអាយុ ៣១ ឆ្នាំហើយ។ ទោះបីជាងនាងមានអាយុច្រើនក៏ដោយ ក៏ស្បែករបស់នាងនៅតែស្រស់ស្អាតនិងក្មេងវ័យដដែល ធ្វើឱ្យអ្នកគាំទ្រជាច្រើននៅតែគិតថានាងទើបតែមានអាយុ ១៨ ឆ្នាំព្រោះសម្រស់របស់នាងមើលទៅពិតជាក្មេងខ្លាំងណាស់។ IU បានប្រាប់សារព័ត៌មានថា មូលហេតុដែលនាងមានស្បែកស្អាត ក្មេងជាងវ័យ និងគ្មានស្នាម គឺដោយសារនាងអនុវត្តវិធីសាស្ត្រទាំងនេះ៖
១.ប្រើរបាំងក្រដាសជាប្រចាំ៖ IU តែងតែប្រើក្រដាសបិទបាំងដើម្បីចិញ្ចឹមស្បែករបស់នាងបន្ទាប់ពីការងារមមាញឹក។ របាំងក្រដាសផ្តល់សារធាតុចិញ្ចឹមដូចជា វីតាមីន A, C, E, គុជខ្យង, កូឡាជែន… នាំឱ្យស្បែកភ្លឺ រលោង ស្រស់ថ្លា ក្នុងពេលជាមួយគ្នានោះ សារធាតុសំខាន់ៗនៅក្នុងរបាំងក្រដាសក៏ជាដំណោះស្រាយភ្លាមៗសម្រាប់ស្ថានភាពស្ងួត រលាក ឬស្បែកក្រហម។
២.ប្រើវិធីសាស្រ្ត ៤-២-៤៖ IU បាននិយាយថា នាងតែងតែអនុវត្តវិធីសាស្ត្រនេះដោយ ៤ នាទីដើម្បីលុបគ្រឿងសម្អាង, ២ នាទីលាងមុខជាមួយនឹងទឹកក្តៅឧណ្ឌៗ, ហើយ ៤ នាទីទៀតលាងមុខជាមួយទឹកស្អាតធម្មតា។ វិធីនេះជួយសម្អាតយ៉ាងមានប្រសិទ្ធភាព ផ្តល់ឱ្យអ្នកនូវស្បែកស្រស់ថ្លា និងគ្មានសំណល់នៃគ្រឿងសម្អាង។ 
៣.លាបឡេផ្តល់សំណើមពេលព្រឹក និងពេលយប់៖ តារាវ័យ ៣១ ឆ្នាំរូបនេះតែងប្រើក្រែមផ្តល់សំណើមជារៀងរាល់ថ្ងៃនៅពេលព្រឹក និងល្ងាច។ ដោយនាងប្រើក្រែមដែលមាន SPF និងសារធាតុសំណើមនៅពេលព្រឹក ដើម្បីជួយការពារស្បែករបស់នាងពីផលប៉ះពាល់នៃបរិយាកាសខាងក្រៅ និងកាំរស្មីយូវី។ ការជ្រើសរើសផលិតផលដែលផ្តល់សំណើមដល់ស្បែកគឺជាឱកាសដ៏ល្អបំផុតក្នុងការរក្សាសារធាតុចាំបាច់សម្រាប់ស្បែកដែលមានសំណើម។
៤.ការថែរក្សាភ្នែក៖ ស្បែកនៅជុំវិញភ្នែកមានភាពរសើប និងងាយរងគ្រោះ ដូច្នេះការថែរក្សា និងការពារតំបន់នេះគឺមានសារៈសំខាន់ខ្លាំងណាស់។ ការថែរក្សាភ្នែកមានគោលបំណងការពារ និងកាត់បន្ថយបញ្ហាដូចជា រង្វង់ភ្នែកខ្មៅ និងស្នាមជ្រួញជាដើម។
៥.ថែរក្សាស្បែកពីខាងក្នុង៖ ក្រៅពីទម្លាប់ថែរក្សាស្បែកប្រចាំថ្ងៃ IU តែងតែយកចិត្តទុកដាក់លើការថែរក្សាខ្លួនពីខាងក្នុង។ តារាស្រីរូបនេះតែងតែធានានូវរបបអាហារដែលមានសុខភាពល្អ ផ្តល់ជាតិទឹកគ្រប់គ្រាន់សម្រាប់រាងកាយរបស់នាង និងគេងឱ្យបានគ្រប់គ្រាន់បន្ទាប់ពីធ្វើការនឿយហត់ ដើម្បីថែរក្សាស្បែកឱ្យរលោង គ្មានស្នាម ហើយថែមទាំងជួយឱ្យនាងមានសុខភាពល្អ និងស្បែកភ្លឺថ្លាផងដែរ៕
