តារាហុងកុង Cheng Jinling ចែករំលែកបទពិសោធន៍របស់ខ្លួនធ្លាប់ចូលក្លិប Burning Sun របស់ Seungri

តារាហុងកុងដ៏ល្បីម្នាក់មានឈ្មោះថា Cheng Jinling បានរៀបរាប់ពីបទពិសោធន៍ដ៏គួរឱ្យភ័យខ្លាចរបស់នាងនៅក្នុងក្លិបរាត្រីរបស់ Seungri ឈ្មោះ Burning Sun មុនពេលរឿងដ៏ស្អុយរលួយរបស់ក្លិបនេះមិនទាន់បែកការសម្ងាត់។ តារាស្រីរូបបាននិយាយថានាងផឹកស្រាតែមួយកែវពីរកែវប៉ុណ្ណោះតែស្រវឹងខ្លាំងមិនធម្មតាទំនងជាភេសជ្ជៈរបស់នាងមានផ្ទុកសារធាតុញៀ.ន។

បន្ទាប់ពីភាពយន្តឯកសាររបស់ BBC ដែលបំភ្លឺរឿងអាស្រូវ Burning Sun ២០១៨-២០១៩ influencer ហុងកុងដ៏ល្បីឈ្មោះ Cheng Jinling កំពុងទាក់ទាញចំណាប់អារម្មណ៍ បន្ទាប់ពីថ្មីៗនេះបានសារភាពថាខ្លួនជាជនរងគ្រោះនៃឧប្បត្តិហេតុ «រំលោភសេពសន្ថវៈ» នៅក្លិប Burning Sun ។

ថ្ងៃទី ២២ ខែឧសភា ឆ្នាំ២០២៤ Cheng Jinling បានចែករំលែករូបថតជាច្រើននៅលើប្រព័ន្ធផ្សព្វផ្សាយសង្គមពីការទៅលេងក្លិប Burning Sun Club កាលពី៦ ឆ្នាំមុនក្នុងឆ្នាំ ២០១៨ ដោយបង្ហាញពីបទពិសោធន៍ដ៏សោកសៅដែលនាងបានស៊ូទ្រាំអំឡុងពេលនាងលេងនៅក្លិបរាត្រី Seungri ។ Jinling បានពន្យល់ថា «ខ្ញុំបានទៅក្លិបរាត្រី Burning Sun ជាមួយអតីតមិត្តប្រុសរបស់ខ្ញុំ ហើយបាត់បង់ស្មារតីបន្ទាប់ពីផឹកស្រារួច»។ នាងបានទៅលេងក្នុងឆ្នាំ ២០១៨ ដោយសារតែអតីតមិត្តប្រុសរបស់មិត្តភក្តិនាងគឺជាដៃគូជំនួញរបស់ Seungri នៅហុងកុង។ នាងបាននិយាយថា Seungri ធ្វើជា DJ ហើយមានមនុស្សជាច្រើនពាក់វ៉ែនតាខ្មៅ ហើយមានអ្នកថើបមាត់គ្នានៅទីនោះ។ Jinling បានសារភាពថា នាងមានអារម្មណ៍ភ័យខ្លាចបន្ទាប់ពីខ្មៅផឹកស្រាសាំប៉ាញពីរកែវនៅកន្លែងនោះទោះបីមិនបានញ៉ាំគ្រឿងស្រវឹងច្រើនក៏ដោយ ក៏នាងស្រវឹងខ្លាំងមិនធម្មតាដែរ ។ ជាសំណាងល្អ នាងនិងមិត្តភ័ក្តិ បានដឹងថាមានអ្វីមួយខុសប្រក្រតីពួកគេបានចេញពីក្លិបភ្លាមៗ ហើយរាយការណ៍ពីហេតុការណ៍នេះទៅប៉ូលិស។ នាងបានរៀបរាប់ថា ទំនងជាភេសជ្ជៈរបស់នាងមានផ្ទុកសារធាតុញៀន ប៉ុន្តែជាសំណាងល្អ នាងមិនរងគ្រោះថ្នាក់អ្វីទៀតទេ។ Cheng Jinling បានប្រាប់ពីមូលហេតុដែលនាងជ្រើសរើសបង្ហាញឧប្បត្តិហេតុនេះនៅពេលនេះ ដោយបញ្ជាក់ថានាងចង់លើកកម្ពស់ការយល់ដឹងជាសាធារណៈតាមរយៈបទពិសោធន៍របស់នាង។

ដំណឹងនេះបានកើតឡើងបន្ទាប់ពីមានពាក្យចចាមអារ៉ាមថា Seungri បើកក្លិបរាត្រីនៅទីក្រុងហុងកុងបានផ្ទុះឡើង។ ពាក្យចចាមអារ៉ាមទាំងនោះត្រូវបានលុបចោលវិញដោយរដ្ឋាភិបាលហុងកុងចេញមកបញ្ជាក់ជាផ្លូវការ។

នៅថ្ងៃទី៣០ ឧសភា តារាស្រីរូបនេះក៏បានបញ្ជាក់បន្ថែមនៅលើបណ្តាញសង្គមថាការចែករំលែករបស់នាងនៅពេលនោះ គឺមុនពេលឧបទ្ទវហេតុ Burning Sunបានកើតឡើង ពេលនៅនឹងកន្លែង នាងមិនបានឃើញផ្ទាល់ភ្នែកអំពីអំពើហិង្សា ឬឧប្បត្តិហេតុគ្រឿងញៀននោះ តែអ្វីដែលនាងជួបគឺគ្រាន់តែចង់ចែករំលែកបទពិសោធន៍របស់នាងដែលធ្លាប់ទៅក្លិបកម្សាន្តនោះប៉ុណ្ណោះ៕