សៀមរាប កម្ពុជា ២០ ឧសភា ២០២៤៖
ចាប់តាំងពីឆ្នាំ ២០១៣ រហូតមកដល់បច្ចុប្បន្ននេះ ក្រោមព្រះអធិបតីភាព សម្តេចព្រះព្រហ្មរតនមុនី សិរីសុវណ្ណោ ពិន សែម គណៈមហានិកាយនៃព្រះរាជាណាចក្រកម្ពុជា និងជាព្រះគ្រូចៅអធិការវត្តរាជបូណ៌ ក្រុងសៀមរាប ព្រះធម្មសិរី ជុំ គឹមឡេង ព្រះរាជាគណៈថ្នាក់កិត្តិយស ព្រះមេគណខេត្តសៀមរាប ព្រមទាំងព្រះថេរានុត្ថេរៈគ្រប់ជាន់ថ្នាក់ រួមទាំងក្រុមប្រឹក្សាភិបាលក្រុមទីប្រឹក្សា គណៈគ្រប់គ្រង និងបុគ្គលិកទាំងអស់ នៃមន្ទីរពេទ្យកុមារអង្គរ តែងតែប្រារព្ធធ្វើកម្មវិធីបុណ្យផ្កាប្រាក់មហាសាមគ្គីជារៀងរាល់ឆ្នាំ ដើម្បីរៃអង្គាសថវិកាសម្រាប់ទ្រទ្រង់ដល់ដំណើរការប្រតិបត្តិនៃមន្ទីរពេទ្យកុមារអង្គរក្នុងការផ្តល់សេវាថែទាំនិងព្យាបាលដោយឯកទេស និងទូទៅដល់កុមារនៅទូទាំង ព្រះរាជាណាចក្រកម្ពុជា។

នៅក្នុងឆ្នាំ២០២៤នេះ មន្ទីរពេទ្យកុមារអង្គរ នៅតែបន្តរៀបចំពិធីបុណ្យផ្កាប្រាក់ ក្នុងគោលបំណង រៃអង្គាសថវិកា ទ្រទ្រង់ដល់ការថែទាំកុមារកម្ពុជា នៅក្នុងមន្ទីរពេទ្យកុមារអង្គរ។ ពិធីបុណ្យផ្កាប្រាក់មហាសាមគ្គី ឆ្នាំទី ១១ នឹងប្រារព្ធឡើងនៅថ្ងៃអាទិត្យ ៣កើត ខែជេស្ឋ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៩ ខែមិថុនា ឆ្នាំ២០២៤ នៅវត្តរាជបូណ៌ ក្រុងសៀមរាប ចាប់ពីវេលាម៉ោង
១៖៣០រសៀលដល់ម៉ោង៥ល្ងាច។https://blogger.googleusercontent.com/img/b/R29vZ2xl/AVvXsEiwiCvtTJxWZmmpE4n1CVA-aAp5kok7HTjKa6HJtWqIQuXftfjuIffLUlQmLhqrhSxXqIPASYASJY2eetiKwPByLwv8_fiKtGBCi9cmz3LaCazvQO-PrJ2CeQvA-arIoTNsRb_zLaUf69VPB-nk-1yEmYwZ0V5OmyAe3jxHgJLGcKjFCAUq-dzA9a-kzwk/s5472/neo_neonateIMG_9619.jpg

លោកវេជ្ជបណ្ឌិត ងួន ច័ន្ទភក្ត្រា នាយកមន្ទីរពេទ្យកុមារអង្គរ បានមានប្រសាសន៍ថា ក្នុងមួយឆ្នាំៗ មន្ទីរពេទ្យ ត្រូវការថវិកាសម្រាប់ដំណើរប្រតិបត្តិការរបស់ខ្លួន ប្រមាណ៦លានដុល្លារអាមេរិក ហើយថវិកាទាំងនោះប្រមាណជា ៧០% បានមកពីសប្បុរជននៅក្រៅប្រទេស និង ៣០% បានមកពីសប្បុរសជនក្នុងប្រទេសកម្ពុជាយើង ក្នុងនោះក៏មានថវិកាបានមកពីពិធីបុណ្យផ្កាប្រាក់មហាសាមគ្គីដែលបានប្រារព្ធឡើងជារៀងរាល់ឆ្នាំផងដែរ។ លោកវេជ្ជបណ្ឌិត សូមអំពាវនាវ ចំពោះព្រះថេរានុត្ថេរៈគ្រប់ព្រះអង្គ និងសប្បុរសជន ទាំងក្នុង និងក្រៅប្រទេសទាំងអស់ ចូលរួមពិធីបុណ្យ ព្រមទាំង បរិច្ចាគថវិកាតាមសទ្ធាជ្រះថ្លារៀងៗខ្លួន ឬក៏ ជួយផ្សព្វផ្សាយដំណឹងពិធីបុណ្យឲ្យកាន់តែអធិកអធមនៅតាមបណ្តាញសង្គម។ លោកក៏បានបញ្ជាក់ផងដែរថា “ថវិកាដែលទទួលបានពីការរៀបចំពិធីបុណ្យផ្កាប្រាក់នេះ គឺជាចំណែកដ៏សំខាន់បំផុតក្នុងការ សង្គ្រោះជីវិតកុមារ ប្រកបដោយគុណភាពខ្ពស់ និង ក្តីមេត្តាករុណា នៅក្នុងមន្ទីរពេទ្យកុមារអង្គរ”។

មន្ទីរពេទ្យកុមារអង្គរពិតជាមានការដឹងគុណយ៉ាងជ្រាលជ្រៅ ចំពោះការប្តេជ្ញាចិត្តនិងការលះបង់ របស់សប្បុរសជន និងអ្នកផ្តើមបុណ្យទាំងអស់ ជាពិសេស ធនាគារ វីង (ខេមបូឌា) ម.ក ដែលបាន ឧបត្ថម្ភគាំទ្រជាប់រយៈ៥ឆ្នាំមកហើយ។
សប្បុរសជនជិតឆ្ងាយក៏អាចចូលរួមបរិច្ចាគថវិកា តាមកម្លាំងសទ្ធាជ្រះថ្លានៅមុនពេល និងក្នុងកំឡុងពេលនៃកម្មវិធីបុណ្យផ្កាប្រាក់មហាសាមគ្គីនេះតាមរយៈ គណនី វីង ដែលមានមុខងារនៅក្នុង Wing Bank App ឬតាមរយៈភ្នាក់ងារ វីង ដែលមាននៅទូទាំងប្រទេស ដោយឥតគិតថ្លៃសេវាអ្វីទាំងអស់។https://blogger.googleusercontent.com/img/b/R29vZ2xl/AVvXsEhkMVTdsAbevihSjQxhKIUeo_RAF9HYVsQz0UBj4Eg35ogXlgFF00QTVxRr0j6nHYwkypqTprf4NVhRbnazXyTRycA3FL_6ddtLtNNSIQRk0bedMJlWHfKZWtQnJkPIWHncLyg2rrN67SsoibEr8o9HCv7iDW2WDT8ZfBNOOnjHLaZbF5OaF3WdV-iW6Sw/s5472/OT_surgery_IMG_8339.jpg

ព័ត៌មានបរិច្ចាគទៅកាន់មន្ទីរពេទ្យកុមារអង្គរ៖
• ធនាគារ វីង ខេមបូឌា (Wing)៖ (Wing Bank App)
ឬភ្នាក់ងារ វីង៖ លេខកូត 9122 (ប្រាក់រៀល) និង 8122 (ប្រាក់ដុល្លារ)
• ធនាគារ អេប៊ីអេ (ABA): 000 320 555
• ធនាគារ អេស៊ីលីដា (ACLEDA): 0100 0105 6968 28
• ធនាគារ ហត្ថា (HATTHA)៖ 168 000 384 758
• ធនាគារ ស្ថាបនា (Sathapana): 07808082834100102
• ធនាគារ អ៊ូរី (Woori Bank): 24951472
ឬបរិច្ចាគដោយផ្ទាល់ នៅទីកន្លែងប្រារព្ធពិធីបុណ្យ

ទំនាក់ទំនងផ្សព្វផ្សាយ និងរៀបចំកម្មពិធីបុណ្យ៖
អ្នកស្រី ហ៊ាន សោភា មន្ត្រីជាន់ខ្ពស់ផ្នែករៀបចំព្រឹត្តិការណ៍ នៃមន្ទីរពេទ្យកុមារអង្គរ
events@angkorhospital.org or 098 / 017 725 745

អំពីមន្ទីរពេទ្យកុមារអង្គរ៖
មន្ទីរពេទ្យកុមារអង្គរ គឺជាស្ថាប័នមិនស្វែងរកប្រាក់ចំណេញមួយ បង្កើតឡើងដោយជនជាតិជប៉ុន តាំងពីឆ្នាំ ១៩៩៩ ដែលគិតមកដល់សព្វថ្ងៃនេះ បានផ្តល់សេវាពិនិត្យព្យាបាលកុមារបានជិត បីលានករណី និងបានផ្តល់ការបណ្តុះបណ្តាលនូវជំនាញ និងចំណេះដឹងដល់មន្ត្រីសុខាភិបាល សិស្ស និស្សិតវេជ្ជសាស្ត្រមកពីទូទាំងព្រះរាជាណាចក្រកម្ពុជារាប់រយនាក់ក្នុងមួយឆ្នាំៗ។ ជាងនេះទៅទៀត ក្រុមបុគ្គលិកមន្ទីរពេទ្យកុមារអង្គរ ក៏ចូលរួមធ្វើឲ្យមានភាពប្រសើរឡើងនូវសុខុមាលភាព ប្រជាពលរដ្ឋនៅតាមសហគមន៍ក្នុងខេត្តសៀមរាប តាមរយៈការចុះអប់រំសុខភាព និងពង្រឹងសមត្ថភាពមន្ត្រីសុខាភិបាលនៅតាមមណ្ឌលសុខភាព អ្នកស្ម័គ្រចិត្តសុខភាពភូមិ សិស្សានុសិស្ស គ្រូបង្រៀន និងប្រជាពលរដ្ឋ បានរាប់ពាន់នាក់ក្នុងមួយឆ្នាំៗ។ https://blogger.googleusercontent.com/img/b/R29vZ2xl/AVvXsEgcI61zQYdL6Oe23PvXA7YYJqixeBCi3xQJlT9MsYxHUSgvifkUqmIhTRLWKNQEkXLNZZ8t56hcFcVTaZHSPI_wUMcbMpm5ybFhgjncBcmVmowx4x3QG93HqxXLYHN6uF2SWG-2tQ75eFjPaziXBTFWYOYWDNnozjZi9_p7U60i15WkUSV4ZgbnAj3Js98/s5000/BonPhkar_1200px.jpg