ចំណតជលយានសេះស ឬកំពង់ផែសេះស ជាកំពង់ផែដឹកជញ្ជូនទំនិញកម្រិតធន់ធ្ងន់ ដែលមានសមត្ថភាពក្នុងការដឹកជញ្ជូនទំនិញបានពី ៥ពាន់តោនដល់ ៨ពាន់តោន។
កំពង់ផែនេះ ជាពង់ផែដឹកជញ្ជូនទំនិញកម្រិតធន់ធ្ងន់ប្រវត្តិសាស្រ្តរបស់ខេត្តកែប ដោយបានសាងសង់តាំងពីឆ្នាំ២០២១ មកទល់បច្ចុប្បន្ននេះបានសម្រេចការសាងសង់់បានក្នុងរង្វង់ប្រមាណ ៩០% ដែលគ្រោងនឹងបញ្ចប់ការសាងសង់ឆាប់ៗនេះ ក្នុងទំហំទឹកប្រាក់សាងសង់ប្រមាណជា២លានដុល្លារ។
គម្រោងសាងសង់ចំណតជលយានសេះសនេះ ជាប្រភេទគម្រោងវិនិយោគ BOT ដោយទទួលបានការគាំទ្រពីរដ្ឋបាលខេត្ត។
កំពង់ផែសេះស ស្ថិតនៅភូមិអូរក្រសារ សង្កាត់អូរក្រសារ ក្រុងកែប ខេត្តកែប ស្ថិតនៅលើផ្ទៃដីដែលមានទំហំ ៣០.០០០ម៉ែត្រការ៉េ។ គម្រោងនេះ ត្រូវបានសិក្សាច្បាស់លាស់ ព្រមជាមួយនូវកិច្ចសន្យាការពារបរិស្ថានដោយក្រុមហ៊ុនសាងសង់ និងមានការឯកភាពដោយក្រសួងបរិស្ថានផងដែរ៕
