អ្នកផលិតមាតិកា និងជា Influencer ល្បីឈ្មោះនៅក្នុងបណ្តាញសង្គមហ្វេសបុកនិង Tik Tok គឺអ្នកនាង ShanaeLael បាននឹងកំពុងឆក់យកបេះដូងប្រជាជនខ្មែររាប់លាននាក់ ស្រលាញ់ពេញចិត្តចំពោះទង្វើល្អៗរបស់នាងនៅក្នុងសង្គមកម្ពុជា។
អ្នកនាង ShanaeLael មានដើមកំណើតនៅសហរដ្ឋអាមេរិក ដែលបានរៀបការជាមួយនឹងស្វាមីជាជនជាតិខ្មែរ ហើយបានបន្សល់ទុកនូវចំណងដៃកូនប្រុសមួយរូប។ នាងគឺផ្លាស់មករស់នៅប្រទេសកម្ពុជារយៈពេល ៧ឆ្នាំហើយ ខណៈដែលបច្ចុប្បន្ននេះអ្នកនាងនិងស្វាមីបាននឹងកំពុងស្នាក់នៅក្នុងខេត្តបាត់ដំបង។
អ្នកនាង ShanaeLael ជាអ្នកដែលមានឈ្មោះបោះសម្លេងនៅក្នុងបណ្តាញសង្គមមួយរូប ព្រោះតែស្រលាញ់វប្បធម៌ប្រពៃណីខ្មែរ ព្រមជាមួយនឹងទេពកោសល្យពិសេសក្នុងជំនាញផលិតមាតិកាល្អៗ គឺបានទទួលនូវការគាំទ្រយ៉ាងពេញទំហឹងពីសំណាក់សារធារណៈជននៅទូទាំងពិភពលោក។ មិនត្រឹមតែប៉ុណ្ណោះ សំនៀងនៃការបញ្ចេញសំឡេងជាភាសាខ្មែររបស់នាងក៏កាន់តែច្បាស់ល្អផងដែរ។
តាមរយៈវីដេអូរបស់អ្នកនាងកាលពីពេលកន្លងមក គឺឃើញថានាងតែងតែជួយផ្សព្វផ្សាយពីមុខម្ហូបប្រពៃណីរបស់ខ្មែរយ៉ាងច្រើនពោរពាសនៅតាមដងផ្លូវនិងរមនីយដ្ឋាននានាយ៉ាងសាមញ្ញៗបំផុត ក្នុងនោះគឺរួមមានទាំងនំបញ្ចុក នំខ្មែរ បង្អែម ចំណីអាហារផ្សេងៗ និងសូម្បីតែផលិតផលខ្មែរ។ ជាមួយគ្នានេះ រាល់ការដើរទិញចំណីអាហាររបស់នាងគឺតែងតែបន្ថែមលុយធីបទៅកាន់អ្នកលក់ ប្រកបដោយស្នាមញញឹម។
បន្ថែមពីលើការផ្សព្វផ្សាយពីវប្បធម៌ប្រពៃណីខ្មែរនៅលើបណ្តាញសង្គមហើយ នាងក៏បានរួមចំណែកយ៉ាងសកម្មនៅក្នុងសង្គមកម្ពុជាក្នុងការផ្សព្វផ្សាយពីតំបន់ទេសចរណ៍នានានៅទីតាំងភ្លក្សម្ហូបរបស់នាង ការចែករំលែកនូវអំពើល្អនិងសេចក្តីស្រលាញ់ទៅកាន់ប្រជាពលរដ្ឋខ្មែរគ្រប់ៗរូបទាំងសិស្សានុសិស្ស ក៏ដូចជាគាំទ្រដល់អ្នកប្រកបអាជីវកម្មតូចធំនៅកម្ពុជាផងដែរ៕
@shabaetoday KHMER STREET FOOD (khmer noodle nom bonchok)🇰🇭🤤❤️ ដើរសុខៗជួបនឹងបងលក់នំបញ្ចុក រស់ជាតិគឺឆ្ងាញ់មែនទែន🤤 ខ្ញុំចូលចិត្ត! ចុះអ្នកទាំងអស់គ្នាចូលចិត្តទេ?#ខ្មែរ #fypシ #fyp #Cambodia #battambang