អស់ពី ឆន សុវណ្ណារាជ ដល់វេន ណុប បាយ៉ារិទ្ធ ម្តងត្រូវគេរិះគ.ន់រឿងសម្រស់ជួបនៅក្រៅមុខចាស់មិនដូចក្នុងរូបភាពបង្ហោះ

ប្រិយមិត្តមួយចំនួនជ្រាបមកហើយថាកាលពីកន្លងមកថ្មីៗនេះតារាចម្រៀង ឆន សុវណ្ណារាជ ត្រូវបានអ្នកលេងបណ្តាញសង្គមមួយចំនួនបញ្ចេញមតិរិះគន់រឿងផ្ទៃមុខរបស់លោកមិនស្រស់ស្អាតពេលលោកសម្តែងក្នុងរឿងមេឆា។ បន្ទាប់ពីតារាចម្រៀងរូបនេះពេលនេះដល់វេនតារាចម្រៀង ណុប បាយ៉ារិទ្ធ ម្តងត្រូវគេរិះគន់រឿងសម្រស់ដូចគ្នាដោយបានលើកឡើងថាជួបនៅក្រៅមិនដូចក្នុងរូបភាពបង្ហោះនៅលើបណ្តាញសង្គម។

តារាចម្រៀង ណុប បាយ៉ារិទ្ធ ត្រូវបានទស្សិកជនសម្លឹងឃើញថាលោកជាតារាចម្រៀងជើងចាស់ម្នាក់នៅរក្សាភាពលេចធ្លោរបស់ខ្លួនជាពិសេសទៅលើសម្រស់តែម្តងនៅតែមានរូបរាងស្រស់សង្ហាទោះបីជាមានវ័យល្បាក់៤០ហើយក្តី។ បើនិយាយពីស្ទាយ៍តុបតែងខ្លួនវិញលោកលេងស្ទាយ៍មិនឱ្យចាញ់យុវវ័យនោះទេជាពិសេសយូរៗទៅកាន់តែមើលឃើញលោកក្មេងជាងមុនទៅទៀត។

យ៉ាងណាមិញនាពេលថ្មីៗនេះ លោក ណុប បាយ៉ារិទ្ធ បានបង្ហោះរូបភាពយ៉ាងស្រស់សង្ហានៅលើបណ្តាញសង្គមក្នុងទីតាំងមួយកន្លែងដែលលោកសម្តែងនៅទីនោះ។ រូបភាពរបស់លោកត្រូវបានគេបញ្ចេញមតិរិះគន់ ដោយបានអះអាងថាធ្លាប់បានជួបលោក ណុប បាយ៉ារិទ្ធ នៅក្រៅមានមុខចាស់ហើម ប៉ុន្តែរូបភាពដែលបង្ហោះមើលទៅក្មេង។ គណនីហ្វេកប៊ុកមួយបានបញ្ចេញមតិលើការបង្ហោះរបស់តារាចម្រៀងរូបនេះថា«ឆ្ងល់មុខបងនៅក្រៅឡើងចាស់មុខឡើងហើម តែដល់មើលក្នុងហ្វេសបុកម៉េចក៏ក្មេងម៉េសប ង ឬមួយបងពាក់មុខតែ បើថាកាមេរ៉ាដូចមិនជឿថាកែបានក្មេងចឹងទេ សូមទោសណាបងព្រោះ ខ្ញុំធ្លាប់ឃើញបងនៅក្រៅទើបហ៊ាននិយាយ»។
ពាក្យសម្តីនេះតារាចម្រៀង ណុប បាយ៉ារិទ្ធ បានចូលទៅឆ្លើយតបវិញថា «ចឹងមកជួបឥឡូវនេះថតជាមួយគ្នាផ្ទាល់មក ហ៊ានដែរ បើអត់ហ៊ានមានន័យថាអូនឯងអន់ បំផុតហើយបានតឬមាត់។ មួយវិញទៀតមនុស្សអន់ៗដើរ fake account យករូបគេមកដាក់ដូចអូនឯងបងចង់ដឹងមុខច្បាស់ បងបកស្បែកមុខអូនឯងបានងាយដូចថ្ងៃព្រោះពូបងគាត់ធ្វើការនៅប្រឆាំងបទល្មើស បច្ចេកវិទ្យាស្រាប់ ឆែកអូនឯងឥឡូវ ដឹងឥឡូវភ្លាម។ គ្រាន់តែអូនឯងសរសេរមកបងដឹងថាអូនឯងជាមេរោគចេញពីខាងណាបាត់ហើយ»។

ក្រោយពីនេះអ្នកមួយចំនួនក៏បានលើកឡើងថារូបលោកវះកាត់កែសម្ផស្សទើបធ្វើឱ្យលោកមើលទៅក្មេងមិនចេះចាស់ទោះបីជាអាយុច្រើនយ៉ាងណាក៏ដោយ។ ដោយសារតែអ្នកមួយចំនួននៅមិនអស់ចិត្តរឿងមុខមាត់របស់ខ្លួនលោក ណុប បាយ៉ារិទ្ធ បានចេញលវីដេអូខ្លីតែម្តងថា បច្ចុប្បន្នលោកមាន៤៣ឆ្នាំ ហើយមិនបានវះកាត់កែសម្ផស្សដូចជាច្រមុះ ចង្ការ ជាដើមថែមទាំងបង្ហាញសកម្មភាពដើម្បីឱ្យមានទំនុកចិត្តថាលោកពិតជាមិនបានឆ្លងកាត់មុខកាំបិតនោះទេ។

ម្ចាស់បទ «បំណងល្អពីសង្សារអូន» បានទម្លាយទៀតថា ការដែលលោកនៅតែអាចរក្សាមុខមាត់ឱ្យនៅក្មេងជាងវ័យដោយសារតែលោកជាមនុស្សយកចិត្តទុកដាក់ប្រើប្រាស់ស្គីនឃែរបំផុត មិនថាលោកនឿយហត់ មិនបានសម្រាក អត់ងងុយយ៉ាងណាលោកមិនចោលស្គីនឃែរឡើយ។

គួរបញ្ជាក់ថា ក្រៅពីលោក ណុប បាយ៉ារិទ្ធ ត្រូវគេរិះគន់រឿងសម្រស់លោក ឆន សុវណ្ណារាជ កាលពីកន្លងមកនេះក៏ត្រូវបានអ្នកមួយចំនួនរិះគន់ថាលោកមានមុខមាត់មិនស្អាត ខណៈអ្នកក្នុងចង្កោមសិល្បៈបានចេះមុខការពារថា តារាក៏ចេះចាស់ដែរមិនអាចនៅក្មេងរហូតនោះទេ៕