រោងចក្រស៊ីម៉ង់ត៍ខនស៍ទី២ តម្លៃ២៥៣លានដុល្លារ របស់លោកអ្នកឧកញ៉ា ភូ ហុងស៊ួន ស៊ីគង់ទ្រីវ និងអ្នកឧកញ៉ា វិញ ហ៊ួរ សម្រេចការសាងសង់បានប្រមាណ ៨៥%ហើយ ដោយគ្រោងបើកឱ្យដំណើរការជាផ្លូវការ នៅខែកញ្ញា ឆ្នាំ២០២៤ ខាងមុខនេះ។
គម្រោងនេះ មានទីតាំងស្ថិតនៅក្នុងខេត្តបាត់ដំបងលើផ្ទៃដី ៤០៧ហិចតាដែលជាការវិនិយោគរួមគ្នារវាងភាគីកម្ពុជានិងភាគីចិនដែលមានសមត្ថភាពអាចផលិតបានស៊ីម៉ង់ចំនួន ៥ពាន់តោនក្នុងមួយថ្ងៃនិង២លានតោនក្នុងមួយឆ្នាំ។
គួរបញ្ជាក់ថា រោងចក្រស៊ីម៉ង់ត៍ខនស៍ទី២ នៅខេត្តបាត់ដំបង នេះ ត្រូវបានចាប់ផ្តើមការសាងសង់នាអំឡុងខែសីហា ឆ្នាំ២០១៨ ជាមួយទុនវិនិយោគ២៥៣លានដុល្លារ៕
