Jennie រងការចោ.ទប្រកាន់ពីការលួចបន្លំលើម៉ាកយីហោវ៉ែនតាដែលសហការជាមួយ Gentle Monster

ennie សមាជិករបស់ BLACKPINK បានសហការជាមួយ Gentle Monster ថ្មីៗនេះបានចេញ Collection វ៉ែនតាថ្មីមួយដែលមានឈ្មោះថា JENTLE SALON ។ ការប្រមូលផ្ដុំនេះមានលក្ខណៈពិសេសជាមួយតុក្កតាដ៏គួរឱ្យស្រលាញ់ capybara mascot ដែលជាសត្វដែលនាងស្រលាញ់ជាងគេរួមជាមួយរូបខ្យូតៗផ្សេងទៀត។ ទោះជាយ៉ាងណាក៏ដោយ Collection ថ្មីនេះត្រូវបានរងការចោទប្រកាន់ពីការលួចចម្លងពី ម៉ាកគ្រឿងអលង្ការ YVMIN ។ នេះបើតាមការចុះផ្សាយរបស់សារព័ត៌មាន Korea boo។

តាមពាក្យចចាមអារ៉ាម YVMIN បានចែករំលែកការបង្ហោះនិងStory នៅលើគណនី Instagram របស់ពួកគេដែលបង្ហាញពីភាពស្រដៀងគ្នារវាងម៉ាករបស់ពួកគេនិង Jennie ក៏ដូចជាការប្រៀបធៀបផ្នែកម្ខាងៗដែលបង្កើតឡើងដោយម៉ាកទាំងពីរ។ ទោះបីជាការចោទប្រកាន់ពីការលួចចម្លងពីម៉ាកយីហោមានភាពធ្ងន់ធ្ងរក៏ដោយ មានព័ស្តុតាងដែលថាវាអាចត្រូវបានប្រឌិតដោយអ្នកប្រើប្រាស់ Instagram ផ្សេងគ្នាក្នុងការប៉ុនប៉ងធ្វើឱ្យវាហាក់ដូចជា YVMIN កំពុងធ្វើការចោទប្រកាន់នៅពេលដែលការពិតពួកគេមិនមែននោះទេ។

ការបង្ហោះខាងលើមិនអាចត្រូវបានរកឃើញនៅលើបណ្តាញសង្គម Instagram YVMIN ទៀតទេ ប៉ុន្តែពួកគេអាចរកឃើញនៅក្នុងStory របស់អ្នកប្រើប្រាស់ម្នាក់។ អ្នកនិយមលេងអ៊ីនធឺណិតខ្លះគិតថាអ្នកបង្ហោះនេះបានកែសម្រួលការបង្ហោះផ្ទាល់ខ្លួនដើម្បីធ្វើឱ្យវាមើលទៅដូច YVMIN ជាអ្នកដែលដើមឡើយចោទថា Gentle Monster ថាលួចចម្លង។ ព័ស្តុតាងបន្ថែមទៀតដើម្បីគាំទ្រការលើកឡើងនេះនោះគឺ YVMIN បានចុច follows Jennie និង Gentle Monster ផងដែរ។ អ្នកប្រើប្រាស់បណ្តាញសង្គមបានចែករំលែកការបង្ហោះមួយផ្សេងទៀតនៅលើ Story Instagram របស់ពួកគេដោយអះអាងថាម៉ាកគ្រឿងអលង្ការគឺជាអ្នកដំបូងដែលធ្វើការចោទប្រកាន់ ប៉ុន្តែអ្នកនិយមលេងអ៊ីនធឺណិតហាក់ដូចជាមិនជឿ។ យ៉ាងណាចំពោះការចោទប្រកាន់ថាលួចចម្លងម៉ាកយីហោគ្នានេះ ទាំង YVMIN និង Jennie មិនទាន់និយាយអំពីបញ្ហានេះទេ។

គួរបញ្ជាក់ថា ក្រោយពី Jennie បានសហការជាមួយ Gentle Monster ចេញ Collection វ៉ែនតាថ្មីឃើញថាសន្ទុះការគាំទ្រយ៉ាងខ្លាំងមានអ្នកគាំទ្របានតម្រង់ជួរគ្នាទៅទិញវ៉ែនតាថ្មីនេះព្រោងព្រាត៕