នៅពេលដែលអ្នកណាត់នរណាម្នាក់ដើម្បីញ៉ាំអាហារពេលល្ងាចជុំគ្នា មិនថាគ្រួសារ មិត្តភក្តិ ឬក្រុមការងារនោះទេ ប្រសិនបើអ្នកចង់ដឹងថាមនុស្សទាំងនោះមានចរិតលក្ខណៈបែបណា សូមអ្នកសង្កេតចំណុចទាំងនេះឱ្យច្បាស់ ព្រោះមនុស្សមួយចំនួនតែងតែបញ្ចេញចរិតពិតនៅពេលពួកគេញ៉ាំអាហារ។ ដូច្នេះអត្ថបទនេះនឹងប្រាប់អ្នកឱ្យដឹងពីអត្តចរិតមនុស្សនៅពេលញ៉ាំអាហារជុំគ្នាតាមរបៀបចិត្តវិទ្យា៖
១.មនុស្សដែលញ៉ាំលឿននិងផឹកលឿន៖ មនុស្សប្រភេទនេះភាគច្រើនគឺជាមនុស្សឧស្សាហ៍ព្យាយាម និងរហ័សរហួន។ ក្នុងជីវិតរបស់ពួកគេមិនថារវល់ ឬក៏អត់នោះទេគឺពួកគេតែងមានទម្លាប់ញ៉ាំលឿនជាងអ្នកដទៃជានិច្ច ពួកគេជាមនុស្សមានសតិសម្បជញ្ញៈខ្ពស់ គិតពេលវេលាជាធំ ចិត្តល្អស្លូតបូត អៀនច្រើន ហើយក៏រៀងនឿយបន្តិចដែរ។
២.មនុស្សដែលញ៉ាំយឺត៖ មនុស្សដែលចូលចិត្តញ៉ាំយឺតបង្ហាញថាពួកគេជាមនុស្សសប្បាយរីករាយតាំងពីដើមមក ឬមានបុគ្គលិកលក្ខណៈមិនសូវខ្វល់ខ្វាយពីមនុស្សជុំវិញខ្លួនប៉ុន្មានទេ។ បើតាមចិត្តវិទ្យាបានឱ្យដឹងថា មនុស្សដែលមានទម្លាប់ញ៉ាំអាហារយឺតនឹងបានសុខទៅថ្ងៃមុខ មិនសូវរងទុក្ខ មិនសូវខ្វល់ខ្វាយនឹងការងារច្រើននោះទេ ហើយជីវិតរបស់ពួកគេគឺពិតជាមានសុភមង្គល និងរីករាយបំផុត។
៣.មនុស្សដែលញ៉ាំបញ្ចេញសំឡេងឮៗ៖ អ្នកដែលតែងតែបញ្ចេញសម្លេងឮៗនៅពេលញ៉ាំអាហារ បង្ហាញថាពួកគេជាមនុស្សខ្វះសីលធម៌ ខ្ជិល គ្មានសមត្ថភាព និងមិនសូវចេះរកលុយ។
៤.មនុស្សដែលផឹកទឹកច្រើនរហូតដល់ហៀរចេញតាមមាត់៖ អ្នកដែលទទួលទានប្រភេទនេះច្រើនតែជាមនុស្សដែលនិយាយមិនសមហេតុផល ហើយមានចិត្តមិនស្ងប់។ ក្នុងជីវិតពួកគេច្រើនតែមិនសម្រេចចិត្ត ហើយមិនដែលមានយោបល់ក្នុងការសម្រេចចិត្តច្បាស់លាស់ឡើយ។ ជីវិតរបស់ពួកគេមានបញ្ហាជាច្រើន ជាពិសេសពួកគេមិនដែលមានភាពស្អាតស្អំឡើយ។
៥.មនុស្សដែលញ៉ាំអាហារមួយៗ៖ មនុស្សដែលញ៉ាំអាហារមួយៗ ដោយការទំពារឱ្យបានហ្មត់ចត់ គឺជាប្រភេទមនុស្សពូកែអត់ធ្មត់ សុភាពត្រឹមត្រូវ មានសុជីវធម៌ និងមានសីលធម៌ល្អក្នុងជីវិត។ មនុស្សបែបនេះតែងតែឈ្នះចិត្តអ្នកដទៃ ដោយសារភាពទន់ភ្លន់ សុភាព សមត្ថភាពក្នុងការស្តាប់ និងការចែករំលែក។ ពួកគេក៏ជាប្រភេទមនុស្សដែលចេះគ្រប់គ្រងអារម្មណ៍ខ្លួនឯង មិនបណ្តោយឱ្យអ្នកដទៃជិះជាន់តាមចិត្តនោះទេ ហើយក៏ចេះគ្រប់គ្រងស្ថានការណ៍ផ្សេងៗបានយ៉ាងល្អផងដែរ៕
