ជាការពិតណាស់ ការផឹកទឹកឱ្យបានគ្រប់គ្រាន់គឺពិតជាល្អខ្លាំងណាស់ចំពោះសុខភាពរាងកាយរបស់យើង។ ទោះជាយ៉ាងណាប្រសិនបើអ្នកផឹកទឹកខុសរបៀបក៏អាចបណ្តាលឱ្យបាត់បង់ជីវិតបានផងដែរ។ ដូច្នេះការផឹកទឹកឱ្យបានត្រឹមត្រូវគឺ ២ លីត្រក្នុងមួយថ្ងៃសម្រាប់មនុស្សពេញវ័យ ហើយ ១ លីត្រ/ថ្ងៃ សម្រាប់កុមារ និងកន្លះលីត្រសម្រាប់ទារក។ ហេតុនេះហើយប្រសិនបើអ្នកផឹកលើសកម្រិត ឬខុសរបៀបអាចបណ្តាលឱ្យអ្នកពុលទឹក ឬអាចបាត់.បង់.ជីវិតភ្លាមៗ ព្រោះដោយសារកន្លងទៅក៏មានស្ត្រីជនជាតិអង់គ្លេសម្នាក់បាត់បង់ជីវិតដោយសារការផឹកទឹកផងដែរ។ ដូច្នេះអត្ថបទនឹងប្រាប់អ្នកពីកំហុសនៃការផឹកទឹកដែលអាចបណ្តាលឱ្យមានគ្រោះថ្នាក់ដល់ជីវិត៖
១.ផឹកទឹកលឿនពេក៖ ការផឹកទឹកលឿនពេក អាចប៉ះពាល់ដល់តុល្យភាពនៃអំបិលរ៉ែក្នុងរាងកាយ បណ្តាលឱ្យរាងកាយមិនអាចផ្លាស់ប្តូរសារធាតុរ៉ែផ្សេងៗបាន ធ្វើឱ្យសារធាតុរាវប្រមូលផ្តុំនៅក្នុងកោសិកាដែលបណ្តាលឱ្យហើមនិងស្លា.ប់។
២.ផឹកទឹកច្រើនពេក៖ វាកើតឡើងនៅពេលដែលអ្នកផឹកទឹកច្រើន លើសពីអ្វីដែលតម្រងនោមបញ្ចេញនៅក្នុងទឹកនោមរបស់អ្នក។ ករណីនេះ អាចបណ្តាលឱ្យមានការប្រមូលផ្តុំទឹកច្រើនពេកនៅក្នុងចរន្តឈាមរបស់អ្នកដែលអាចបណ្តាលឱ្យស្លា.ប់។
៣.ផឹកភេសជ្ជៈផ្សេងៗជំនួសឱ្យទឹក៖ បច្ចុប្បន្នមនុស្សជាច្រើនចូលចិត្តផឹកទឹកដែលមានរសជាតិដូចជា ភេសជ្ជៈជាតិផ្អែម កាហ្វេ តែ និងទឹកផ្លែឈើជាដើម ដោយយកភេសជ្ជៈទាំងនោះមកផឹកជំនួសទឹក ដែលការធ្វើបែបនេះនឹងជះឥទ្ធិពលអវិជ្ជមានទៅលើសុខភាពរបស់អ្នក បណ្តាលឱ្យអ្នកមានគ្រោះថ្នាក់កាន់តែធ្ងន់ធ្ងរ។
ទោះជាយ៉ាងណាក៏ដោយ ការស្លាប់ដោយការផឹកទឹកច្រើនពេកចំពោះមនុស្សដែលមានសុខភាពល្អគឺកម្រណាស់។ ប៉ុន្តែវាអាចកើតឡើងជាពិសេសចំពោះអត្តពលិក ឬអ្នកដែលហាត់ប្រាណក្នុងអាកាសធាតុក្ដៅ ឬអ្នកដែលមានជំងឺតម្រង់នោម ដែលភាគច្រើនពួកគេតែងតែផឹកទឹកច្រើននិងលឿនពេក បណ្តាលឱ្យមានការពុលទឹកជាញឹកញាប់៕
