បរទេស៖ Miss AI គឺជាកម្មវិធីប្រលងសម្រស់ដំបូងបង្អស់របស់ពិភពលោកសម្រាប់ “ស្ត្រីដែលបង្កើតឡើងដោយ AI” មានន័យថាអ្នកដែលមានជំនាញបង្កើត AI នឹងឈ្នះរង្វាន់សរុបជិត ២០,០០០ ដុល្លារអាមេរិក ប្រសិនបើស្ត្រី AI ដែលពួកគេបង្កើតមានភាពលេចធ្លោរជាងគេ ហើយការប្រកួតគឺតាមរយៈអ៊ីនធឺណិត។
Miss AI ត្រូវបានដាក់ឱ្យដំណើរការដោយ World AI Creator Awards (WAICA) និងវេទិកាអ្នកបង្កើតជនជាតិអង់គ្លេស Fanvue ។ នេះគឺជាពានរង្វាន់សកលសម្រាប់អ្នកបង្កើត AI ជុំវិញពិភពលោក ដោយពួកគេអាចដាក់រូបភាពបេក្ខជន AI ដើម្បីមានឱកាសឈ្នះមកុដ។
យោងតាមលក្ខខណ្ឌនៃការប្រកួត បេក្ខនារីបវរកញ្ញា AI នឹងត្រូវបានវាយតម្លៃដោយផ្អែកលើលក្ខណៈវិនិច្ឆ័យរួមមានភាពស្រស់ស្អាត សំណុំជំនាញដែលមានស្រាប់ ឧបករណ៍ AI ដែលប្រើដើម្បីបង្កើត ក៏ដូចជាការផ្សព្វផ្សាយនៅលើបណ្តាញសង្គមថាតើធ្វើដូចម្តេចដើម្បីក្លាយជាអ្នកមានឥទ្ធិពល។ នៅក្នុងកម្មវិធីក៏មានគណៈវិនិច្ឆ័យដែលមានអ្នកជំនាញបួននាក់ គឺតារាម៉ូដែលនិម្មិតល្បីពីររូបគឺ Emily Pellegrini និង Aitana Lopez រួមទាំងចៅក្រមពីររូបដែលនៅសេសសល់គឺ អ្នកជំនាញផ្នែកទីផ្សារជនជាតិអង់គ្លេស Andrew Bloch និងអ្នកកាសែត Sally-Ann Fawcett ដែលជាអតីតចៅក្រមនៃបវរកញ្ញាចក្រភពអង់គ្លេស និងបវរកញ្ញាអន្តរជាតិ។
អ្នកស្រី Fawcett បានប្រាប់កាសែត The Sun ថា “ការយកឈ្នះលើការប្រកួតប្រជែងបែបប្រពៃណីជាមួយនឹងបច្ចេកវិទ្យា បវរកញ្ញា AI គឺជាជំហានឆ្ពោះទៅមុខថ្មីមួយ ដែលកើតជិត ១៥០ ឆ្នាំបន្ទាប់ពីការប្រលងសម្រស់ពិតលើកដំបូងពីទសវត្សរ៍ឆ្នាំ ១៨៨០”។ អ្នកបង្កើតកម្មវិធី AI គ្រងរាជ្យបវរកញ្ញា AI នឹងទទួលបានរង្វាន់ជាសាច់ប្រាក់ ៥,០០០ ដុល្លារ រួមជាមួយការចូលប្រើកម្មវិធីជំនួយរបស់ Imagine Education ដែលមានតម្លៃ ៣,០០០ ដុល្លារ និងកញ្ចប់ប្រព័ន្ធផ្សព្វផ្សាយដែលមានតម្លៃជាង ៥,០០០ ដុល្លារ។
អ្នកឈ្នះជ័យលាភីលេខ១ និងលេខ២ ក៏នឹងទទួលបានពី ២,០០០ដុល្លារ និងកញ្ចប់ជំនួយផងដែរ។ ដើម្បីចូលរួម បេក្ខនារីដាក់រូបថតនៃម៉ូដែលដែលបង្កើតដោយ AI ហើយឆ្លើយសំណួរថា “តើអ្នកប្រាថ្នាចង់បានអ្វីក្នុងការធ្វើឱ្យពិភពលោកក្លាយជាកន្លែងប្រសើរជាងមុន?”។ Fanvue រំពឹងថាការប្រកួតនេះនឹងទាក់ទាញអ្នកចូលរួមរាប់ពាន់នាក់។ លោក Will Monange សមាជិកនៃគណៈកម្មាធិការរៀបចំបាននិយាយថា នេះគ្រាន់តែជាពានរង្វាន់ចាប់ផ្តើមដំបូងប៉ុណ្ណោះ។ លោកបានបន្តទៀតថា យើងមានគោលបំណងចង់ចែករំលែកចក្ខុវិស័យសម្រាប់ WAICA ដើម្បីក្លាយជា Oscars នៃពិភពលោកនៃការច្នៃប្រឌិត AI Monange៕