ឱ្យតែនិយាយដល់ខេត្តមណ្ឌលគិរី មនុស្សគ្រប់គ្នាច្បាស់ណាស់នឹងនឹកដល់ តំបន់ទេសចរណ៍ធម្មជាត ព្រៃភ្នំដ៏ល្អឯក ជាពិសេសទឹកជ្រោះប៊ូស្រាតែម្តង។
ស្របពេលដែលអាកាសធាតុកំពុងឡើងកម្តៅ ហើយជិតឈានដល់ចូលឆ្នាំប្រពៃណីខ្មែរទៀតនោះ សម្រាប់បងប្អូនដែលចង់ដើរកម្សាន្តនៅកន្លែងដែលមានអាកាសធាតុត្រជាក់ អមជាមួយនឹងខ្យល់អាកាសធម្មជាតិ និងទេសភាពស្រស់បំព្រង គួរណាស់ទៅកម្សាន្តនៅកន្លែង៣នេះ ដែលមាននៅតែខេត្តមណ្ឌលគិរី តែប៉ុណ្ណោះ។
១ទឹកជ្រោះប៊ូស្រា៖ រមណីយដ្ឋាននេះស្ថិតក្នុងស្រុកពេជ្រចិន្ដា ចម្ងាយជាង ៤០ គីឡូម៉ែត្រពីស្រុកសែនមនោរម្យ ខេត្តសំបូរភ្នំមណ្ឌលគិរី។ ទឹកកជ្រោះនេះចែកចេញជាបីដំណាក់៖
ដំណាក់ទី១: ហូរធ្លាក់ក្នុងកំពស់ពី១០ ទៅ ១៥ម៉ែត្រ នៅរដូវប្រាំង។
ដំណាក់ទី២: ហូរធ្លាក់កំពស់ពី១៨ ទៅ ២៥ម៉ែត្រ ដែលមានមុខកាត់១៣ម៉ែត្រ នៅរដូវប្រាំង។
ដំណាក់ទី៣: ល្បាក់នេះ ពិបាកឡើងទៅដល់ ពីព្រោះជាតំបន់ព្រៃក្រាស់ ខ្វះមធ្យោបាយធ្វើដំណើរ និង តំបន់គ្រោះថ្នាក់នៃពពួកសត្វព្រៃ។
២.ភ្នំអណ្ដូងស្នេហ៍៖ជាទីឋានស័ក្ដិសិទ្ធិ សម្រាប់អ្នករស់នៅតំបន់នោះ ដោយមានជំនឿថា ប្រសិនបើអ្នកបានជួបស្នេហ៍ពិតទើបអាចរកអណ្ដូងនោះឃើញ។
៣.ភ្នំដោះក្រមុំ៖ មានចម្ងាយតែ២គីឡូម៉ែត្រកន្លះប៉ុណ្ណោះ ពីរង្វង់មូលគោព្រៃក្នុងទីរួមខេត្ត ដោយយើងអាចមើលទិដ្ឋភាពនៃទីរួមខេត្តមណ្ឌលគិរិ ពីលើកំពូលភ្នំនេះបាន៕
