កាលពីវេលាម៉ោង១០និង៣០នាទីព្រឹកថ្ងៃទី០២ មេសា មានហេតុការណ៍មួយបានកើតឡើង ដោយមានមនុស្សម្នាក់ម៉ូតូ មកឈប់ក្បែរវិមានឯករាជ្យ ក្រុងបាត់ដំបង រួចបង្ហូរសាំងដុតចោល ហើយដើរធ្វើព្រងើយគេចខ្លួនបាត់ ទុកឱ្យមន្ត្រីចរាចរណ៍នាំគ្នាបាញ់ពន្លត់។
បើតាមសក្សីនៅកន្លែងកើតហេតុ បានលើកឡើងថា៖”ដំបូងគេឃើញបុរសម្នាក់បានជិះម៉ូតូម៉ាកZoomer ពណ៌ ស មកពីខាងជើងតាមផ្លូវលេខ១ ។ ពេលមកជិះមកដល់ក្បែរវិមានឯករាជ្យក៏ឈប់ចម្ងាយប្រហែល៣០ម៉ែត្រ ហើយបុរសក៏ចុះពីលើម៉ូតូ រួចបង្ហូរសាំងទាញដែកកេះដុតហុយទ្រលោមភ្លាមរំពេច បង្កឱ្យមានការភ្ញាក់ផ្អើលយ៉ាងខ្លាំង”។
តាមប្រភពដដែលបានឱ្យដឹងថា បុរសខាងលើហាក់ជាមនុស្សមានសតិមិនប្រក្រតី។ តែយ៉ាងណាមិញ ជុំវិញករណីនេះ មានតែរងចាំចំណាត់ការ និងការស្វែងរកបុរសខាងលើឱ្យឃើញសិន ដើម្បីឈានទៅដល់ការសាកសួរលើហេតុការណ៍មួយនេះ៕