លោក លាវ វេងហួរ ម្ចាស់ជ័យលាភី Mister Friendship International 2023 មានឱកាសធ្វើជាពិធីករ (MC) ក្នុងការប្រកួត Universal Women 2024 ដែលកម្ពុជាធ្វើជាម្ចាស់ផ្ទះ។ ទោះជាយ៉ាងណា ការបង្ហាញខ្លួនជាពិធីករលើកដំបូងនេះ លាវ វេងហួរ ត្រូវរងនូវមតិចម្រុះពីសាធារណជន អ្នកខ្លះក៏ថាលោកធ្វើបានល្អ អ្នកខ្លះក៏រិះគន់ ចំណែកឯផេកមួយឈ្មោះថា «អ្នកវិភាគឯករាជ្យ» គឺដាក់ចំៗតែម្តងថាលោកគឺជាពិធីករអន់បំផុតក្នុងកម្មវិធីប្រកួតសម្រស់ផ្លូវការ។
នៅរាត្រីថ្ងៃទី២២ ខែមីនា ជារាត្រីផ្តាច់ព្រ័ត្រនៃកម្មវិធីប្រកួត Universal Women 2024 ដែលកម្ពុជាធ្វើជាម្ចាស់ផ្ទះខណៈបេក្ខភាពចូលរួមសរុបមានជាង៥០ប្រទេសមកពីជុំវិញពិភពលោកក្រោមការដឹកនាំរបស់អ្នកនាង ប្រាសាទ ដាវីន។ ដូចមហាជនអ្នកតាមដានកម្មវិធីនេះជ្រាបមកហើយថាលោក លាវ វេងហួរ Mister Friendship International 2023 គឺជាពិធីករក្នុងកម្មវិធីនេះអមជាមួយនឹងពិធីការិនីជាជនបរទេស។
យ៉ាងណាមិញ ការធ្វើជាពិធីករលើកទី១របស់លោក លាវ វេងហួរ ត្រូវរងនូវមតិពីសាធារណជន ចំណែកឯផេកមួយឈ្មោះថា «អ្នកវិភាគឯករាជ្យ» បានរិះគន់ចំៗតែម្តងទៅកាន់ម្ចាស់ជ័យលាភីអន្តរជាតិរូបនេះជាពិធីករដែលអន់បំផុត។
ផេកខាងលើនេះបានបង្ហោះថា «ពិធីករកម្មវិធី MISS ដែលអ.ន់បំផុត ក្នុងចំណោមកម្មវិធី Miss ផ្លូវការដែលខ្ញុំធ្លាប់ទស្សនា។ ឈរអានក្រដាសយ៉ាងគួរឱ្យអាម៉ាស រហូតអ្នករៀបចំកម្មវិធី បង្ខំចិត្តអូសយកប្លង់ WIDE SHOT វិញ»។
ការលើកឡើងរបស់ផេក អ្នកវិភាគឯករាជ្យ នេះដែរក៏មានការបញ្ចេញមតិយោបល់ផ្សេងៗទៀតបីអ្នកលេងបណ្តាញសង្គមរួមទាំងការរិះគន់ទៅកាន់ម្ចាស់ផេកនេះដូចគ្នា និងបានពន្យល់ថានេះជាលើកទី១របស់ លាវ វេងហួរ ។ ផ្ចាស់ផេកក៏បានលើកឡើងថា លោកនិយាយពីអ្វីដែលកើតឡើង តែក៏រង់ចាំលើកទឹកចិត្ត កោតសរសើរ វេងហួរ វិញពេលធ្វើបានល្អលើកក្រោយ»។.png)
គួរបញ្ជាក់ថា ការប្រកួត Universal Women 2024 ជាលើកទី២នេះបេក្ខភាពតំណាងប្រទេសហ្វីលីពីន ជាម្ចាស់មកុដឯក ខណៈខាងកម្ពុជាដណ្តើមបានលំដាប់រងទី៣នៃការប្រកួតនេះ៕
