ថ្មីៗនេះនៅលើបណ្តាញសង្គមមានការចាប់អារម្មណ៍យ៉ាងខ្លាំងទៅលើជនបរទេសម្នាក់មកលេងកម្សាន្តនៅប្រទេសកម្ពុជាបានបាត់លិខិតឆ្លងដែន( Passport) នៅខេត្តសៀមរាប។ ជាមួយគ្នានេះអ្នកលេងបណ្តាញសង្គមកម្ពុជាស្វះស្វែងប្រកាសនៅលើបណ្តាញសង្គមដើម្បីឱ្យអ្នកដទៃទៀតបានដឹងដំណឹងនិងឆាប់រកឃើញ។ តាមការប្រកាសនៅលើបណ្តាញសង្គមឃើញថាប្រជាពលរដ្ឋបាននាំគ្នាជួយចែករំលែករាប់ពាន់នាក់ ទីបំផុតលិខិតឆ្លងដែនរបស់ជនបរទេសនោះក៏រកឃើញតែផលដែលទទួលបានគឺត្រូវជនបរទេសនេះប្រកាសនៅលើបណ្តាញសង្គមរបស់ខ្លួនឈប់មកកម្ពុជាហើយទៅទីក្រុងបាងកកប្រទេសថៃវិញ។333.png)
កាលពីថ្ងៃទី២០ ខែមីនា គណនីហ្វេកប៊ុកមួយឈ្មោះថា Joo Ming បានបង្ហោះរូបពឹងបងប្អូននៅលើបណ្តាញសង្គមជួយចែករំលែកឱ្យកាន់តែទូលំទូលាយព្រោះតែជនបរទេសម្នាក់បាត់លិខិតឆ្លងដែននៅខេត្តសៀមរាប។ គណនី នេះបានសរសេរថា «សូមជួយស៊ែរផងអ្នកទាំងអស់គ្នា គាត់បានបាត់ passport នៅខេត្តសៀមរាបបើអ្នកណារើសបានអាចទាក់ទងមកខ្ញុំបានគាត់នឹងមានសាគុណជូន»។.png)
តាមការបង្ហោះនេះអ្នកលេងបណ្តាញសង្គមជាច្រើនបាននាំគ្នាចែករំលែករាប់ពាន់នាក់ ស្វះស្វែងជួយគ្នាដើម្បីឱ្យភ្ញៀវទេសឆាប់រកឃើញលិខិតឆ្លងដែនរបស់ខ្លួនបានវិញ ខណៈគណនីនេះក៏បានអាប់ដេត ព័ត៌មានបន្ថែមដែរថា ជនបរទេសនេះបានរកឃើញលិខិតឆ្លងដែនរបស់គាត់ហើយ។
តែអ្វីដែលប្រជាពលរដ្ឋខ្មែរនឹកស្មានមិនដល់ និងជនបរទេសនេះនៅពេលបានលិខិតឆ្លងដែនហើយបែរជាបង្ហោះនៅលើគណនី Instagram របស់ខ្លួន បង្ហាញអារម្មណ៍ដោយសារខឹងសម្បារនិងមិនមានបំណងត្រលប់មកកម្ពុជាវិញនោះទេ។ ជនបរទេសនេះបានបង្ហាញថារូបគេមិនស្អប់ប្រទេសកម្ពុជានោះទេប៉ុន្តែរូបគេស្អប់នឹងស្ថានការណ៍ដែលខ្លួនជួបប្រទះ។ ក្នុងខ្លឹមសារមួយទៀតដែលជនបរទេសរូបនេះបង្ហោះនោះគឺ ការបាត់លិខិតឆ្លងដែននេះបានធ្វើឱ្យលោកខកខានជើងហោះហើរ ជាលើកទី១សម្រាប់មកប្រទេសកម្ពុជាហើយក៏ជាលើកចុងក្រោយដូចគ្នា ព្រមទាំងបង្ហាញថាលោកនឹងទៅបាងកកប្រទេសថៃ។.png)
ឃើញទង្វើរបស់ជនបរទេសធ្វើដូចនេះអ្នកលេងបណ្តាញសង្គមសម្តែងក្តីហួសចិត្តយ៉ាងខ្លាំង ផលដែលពលរដ្ឋកម្ពុជាជួយគ្នារកលិខិតឆ្លងដែនឱ្យជនបរទេសនោះបានមកវិញ បែរជាទទួលបានហួសស្មាន។
ទោះយ៉ាងណា គណនីដែលជួយបង្ហោះស្វែងរកលិខិតឆ្លងដែនឱ្យជនបរទេសនោះក៏មានការអន់ចិត្តដូចគ្នាដែលជនបរទេសរូបនេះធ្វើដូចនេះ ប៉ុន្តែក៏សំណូមពរទៅអ្នកលេងបណ្តាញសង្គមឈប់វាយប្រហារគាត់តទៅទៀតព្រោះប្រជាជនកម្ពុជាតែងតែផ្សព្វផ្សាយសេចក្ដីស្រឡាញ់លើសពីការស្អប់។ ចំណែកឯគេនឹងរក្សាការបង្ហោះជួយរកលិខិតឆ្លងដែននេះទុកជាភស្តុតាងថាប្រជាជនកម្ពុជារីករាយនឹងជួយ ដោយសង្ឃឹមថាជនបរទេសនេះនឹងរៀនពីកំហុសរបស់ខ្លួនលើកនេះ៕
.png)
