បរទេស៖ តារាចម្រៀងដ៏ល្បីរបស់អាមេរិក Charlie Puth បានសរសេរបទចម្រៀង ១ ដែលមានចំណងជើងថា ‘Like That’ ទុកជាអំណោយសម្រាប់ AhYeon ដែលជាសមាជិករបស់ក្រុមចម្រៀងកូរ៉េ BabyMonster សម្រាប់ album ថ្មីដែលនឹងចេញក្នុងពេលឆាប់ៗនេះ។
នៅថ្ងៃទី១៨ ខែមីនា ឆ្នាំ២០២៤ យោងតាមសារព័ត៌មានកូរ៉េ Allkpop បានឱ្យដឹងថា អាល់ប៊ុមខ្នាតតូចរបស់ BABYMONSTER ដែលនឹងមកដល់នាពេលខាងមុខនេះ គ្រោងនឹងបញ្ចូលបទចម្រៀងដែល Charlie Puth បានសរសេរមានចំណងជើងថា ‘Like That’ ចូលទៅក្នុងអាល់ប៊ុមថ្មីរបស់ពួកគេ។
នៅក្នុងថ្ងៃដដែលនោះ ផលិតកម្ម YG Entertainment បានបង្ហោះវីដេអូថ្មីមួយ ដែលបង្ហាញពីស្ថាបនិក Yang Hyun-Suk បានរៀបរាប់បទទាំងអស់នៅលើអាល់ប៊ុមខ្នាតតូចដំបូងបង្អស់របស់ក្រុមចម្រៀងនារីដែលមានចំណងជើងថា ‘BABYMONS7ER’ រួមទាំង ‘Like That’ ផងដែរ។ ស្ថាបនិក Yang បាននិយាយថា “ខ្ញុំគិតថានេះនឹងក្លាយជាការភ្ញាក់ផ្អើលមួយសម្រាប់អ្នកគាំទ្រ” ដោយលោក Yang បានបន្តទៀតថា “Charlie Puth បានផ្តល់អំណោយដល់ BABYMONSTER មួយបទ”។ 
គាត់ក៏បានចែករំលែកផងដែរថា អំណោយរបស់ Charlie Puth ដល់ក្រុមនេះគឺដើម្បីឆ្លើយតបទៅនឹង Viral Cover របស់ Ahyeon នៃបទចម្រៀងរបស់គាត់ដែលមានចំណងជើងថា “Dangerously” នៅពេលនាងនៅជាសិក្ខាកាម ដែលចាប់តាំងពីពេលនោះមកមានអ្នកចូលមើលជាង ៣៩ លានដងនៅលើ YouTube ។ Charlie Puth គាត់បានពេញចិត្តខ្លាំងណាស់នឹង AhYeon Cover បទចម្រៀង ” Dangerously ” ដែលជាបទចម្រៀងរបស់ Charlie Puth ផ្ទាល់ដោយ cover នេះល្បីខ្លាំង ។ 
ដូចនេះគាត់ក៏បានជាសរសេរបទ ” Like That ” ជាបទទី ៣ នៅក្នុង album BabyMonster ជាកាដូឱ្យទៅវិញ។ ម្ចាស់ផលិតកម្ម YG ក៏បានបន្ថែមទៀតថា “Charlie Puth គឺជាសិល្បករដែលគាត់ពិតជាចូលចិត្ត និងកោតសរសើរខ្លាំង ហើយសមាជិកក្រុមនារី BABYMONSTER ក៏ជាអ្នកគាំទ្ររបស់គាត់ផងដែរ” ដូច្នេះ “វាជាអំណោយដ៏ធំ ហើយខ្ញុំគិតថា អ្នកគាំទ្រក៏នឹងរីករាយជាមួយអាល់ប៊ុមថ្មីដែលនឹងចេញក្នុងពេលឆាប់ៗនេះផងដែរ”៕
