ចំប៉ីខ្មៅ ដែលសាធារណជនអ្នកលេងបណ្តាញសង្គមស្គាល់យ៉ាងទូលំទូលាយនោះសុខៗស្រាប់តែលោកបានបង្ហោះប្រយោគមួយពោលអាណិតដុកទ័រ សែម រតនា បានក្លាយទៅជាមនុស្សអាក្រក់ដោយសារតែចរិតក្លែងក្លាយរបស់អ្នកខ្លះ។ មួយឃ្លានេះមិនដឹងថា ចំប៉ីខ្មៅ ចង់សម្តៅទៅកាន់នរណាទេ ហើយមានរឿងអ្វីនោះទេបានជា ចំប៉ីខ្មៅ ចេញមកបង្ហោះសារផ្លែផ្កាដូចនេះ។
នៅថ្ងៃទី២ ខែមីនា នៅលើបណ្តាញសង្គមរបស់លោក យិន ហេង ហៅចំប៉ីខ្មៅ បានបង្ហោះថា «មានអារម្មណ៍ថាអាណិត Doctor Sem Ratana ក្លាយជាមនុស្សអាក្រក់ ក្នុងក្រសែភ្នែក អ្នកដទៃ ព្រោះ ចរិត fake របស់ អ្នកខ្លះ»។ ការបង្ហោះរបស់ ចំប៉ីខ្មៅ នេះបានធ្វើឱ្យអ្នកលេងបណ្តាញសង្គមផ្ទុះការងឿងឆ្ងល់តាមមិនទាន់រឿង ដោយមិនដឹងថា សំណេរនេះចំប៉ីខ្មៅ ចង់សម្តៅទៅលើអ្នកណា ព្រមទាំងចង់ដឹងថាជានរណាដែលមានចរិតក្លែងក្លាយធ្វើឱ្យ ដុកទ័រ សែម រតនា ក្លាយជាមនុស្សអាក្រក់ក្នុងខ្សែភ្នែកអ្នកដទៃ។
មុនពេល ចំប៉ីខ្មៅ បង្ហោះប្រយោគអាណិតដុកទ័រ សែម រតនា គេបានឃើញលោកស៊ែរការបង្ហោះមួយដែលជាវីដេអូរបស់ Rick kh និយាយពីមិត្តភាពរបស់មិត្តភក្តិ ដោយ ចំប៉ីខ្មៅ បានសរសេរ Caption «អញនៅតែឆ្ងល់ បើដឹងថាគេអវិជ្ជមាន ម្ដេចក៏ដើរជាមួយគេ ? ហើយមកនិយាយដើមគេ ?នៅតែឆ្ងល់?»។ ទោះយ៉ាងណា បើតាមរយៈវីដេអូមួយនៅលើគណនីរបស់ Rick kh ដែលមានឈ្មោះថា «Richard Orn » បង្ហោះកាលពីខែកញ្ញា ឆ្នាំ២០២០ Rick kh គឺជាមិត្តភក្តិរបស់ ចំប៉ីខ្មៅ ។
គួរបញ្ជាក់ថា កាលពីកន្លងមកនេះលោកដុកទ័រ សែម រតនា និង Rick Kh ធ្លាប់ប៉ះពាល់សម្តីជាមួយគ្នា ប៉ុន្តែភាគីទាំងពីរបានសម្របសម្រួលបញ្ចប់បញ្ហារួចមកហើយ ខណៈការបង្ហោះចំប៉ីខ្មៅ មិនដឹងថាចង់សម្តៅទៅកាន់អ្នកណានោះទេ ទោះបីជាមានអ្នកចូលទៅជីកសួរនាំក្តីក្រោយពីបង្ហោះសំណេរខាង ចំប៉ីខ្មៅ មិនបានបង្ហើបអ្វីទៀតដែរ៕
