វៀតណាម៖ អ្នកជំងឺដាច់សរសៃឈាមក្នុងខួរក្បាលបានចូលសម្រាកព្យាបាលនៅមន្ទីរពេទ្យចំនួន ១០៨ នាក់ក្នុងឆ្នាំនេះកើនឡើងរហូតដល់ ៣០% បើធៀបនឹងរយៈពេលដូចគ្នាកាលពីឆ្នាំមុន។
នៅថ្ងៃទី២១ ខែកុម្ភៈ ឆ្នាំ២០២៤ លោកវេជ្ជបណ្ឌិត Nguyen Van Tuyen ប្រធាននាយកដ្ឋានជំងឺដាច់សរសៃឈាមខួរក្បាលនៃមន្ទីរពេទ្យយោធាមជ្ឈិម បាននិយាយថា ក្នុងអំឡុងពេលបុណ្យចូលឆ្នាំកាលពីពេលថ្មីៗនេះ អ្នកជម្ងឺដាច់សរសៃឈាមក្នុងគ្រាអាសន្នគឺមានចំនួនច្រើនទ្វេរដង ដែលជាការកើនឡើងយ៉ាងខ្លាំងនៅឆ្នាំនេះ។
លោកវេជ្ជបណ្ឌិតបានបន្តទៀតថា ក្នុងអំឡុងពេលបុណ្យចូលឆ្នាំរយៈពេល ៧ ថ្ងៃ កន្លែងនេះបានទទួលអ្នកជំងឺដាច់សរសៃឈាមខួរក្បាលចំនួន ៦៨ នាក់ទៅបន្ទប់សង្គ្រោះបន្ទាន់ ហើយមនុស្សជាច្រើននាក់ទៀតត្រូវបានគេបញ្ជូនទៅកាន់មន្ទីរពេទ្យកម្រិតខ្ពស់ក្នុងតំបន់ភាគខាងជើងដែលមានស្ថានភាពធ្ងន់ធ្ងរខ្លាំង។ នៅទីក្រុងហូជីមិញ មន្ទីរពេទ្យប្រជាជន ១១៥ ក៏បានទទួលករណីជំងឺដាច់សរសៃឈាមខួរក្បាលជាង ៣០០ នាក់ទៅកាន់បន្ទប់សង្គ្រោះបន្ទាន់ក្នុងអំឡុងពេលបុណ្យចូលឆ្នាំផងដែរ។
យោងតាមក្រសួងសុខាភិបាល ជារៀងរាល់ឆ្នាំមានមនុស្សប្រមាណ ២០០,០០០ នាក់ កើតជំងឺដាច់សរសៃឈាមខួរក្បាល ដែលមានអត្រាស្លាប់ប្រហែល ៤០%។ ជាពិសេសចំនួនយុវជនដែលមានជំងឺដាច់សរសៃឈាមខួរក្បាលមានការកើនឡើង។ មនុស្សវ័យក្មេង និងវ័យកណ្តាលមានប្រហែល ៣០% នៃករណីជំងឺដាច់សរសៃឈាមខួរក្បាលទាំងអស់។ យោងតាមស្ថិតិរបស់មន្ទីរពេទ្យ អត្រាជំងឺដាច់សរសៃឈាមខួរក្បាលជាមធ្យមចំពោះមនុស្សវ័យក្មេងកើនឡើងប្រហែល ២% ក្នុងមួយឆ្នាំ ដោយចំនួនបុរសគឺខ្ពស់ជាងស្ត្រី ៤ ដង។
ជំងឺដាច់សរសៃឈាមខួរក្បាល ភាគច្រើនចំពោះមនុស្សវ័យក្មេង គឺទាក់ទងទៅនឹងកត្តាហានិភ័យដូចជាជំងឺលើសឈាម ជំងឺមេតាប៉ូលីស ជំងឺសរសៃឈាមបេះដូង របៀបរស់នៅដែលមិនមានសុខភាពល្អ ដូចជាការប្រើប្រាស់គ្រឿងញៀន ការសេពគ្រឿងស្រវឹង ភាពអសកម្មរាងកាយជាដើម។ ហេតុនេះហើយ មនុស្សទូទៅ រួមទាំងមនុស្សវ័យក្មេងដែលមានជំងឺមូលដ្ឋាន គួរតែអនុវត្តរបៀបរស់នៅដែលមានសុខភាពល្អ និងជាពិសេសត្រូវអនុវត្តតាមរបបថ្នាំនៅពេលព្យាបាលជំងឺមូលដ្ឋានដូចជាជំងឺលើសឈាម ដើម្បីជៀសវាងផលវិបាកដែលមិនអាចទាយទុកជាមុនបាន។
គួរបញ្ជាក់ដែរថា ដើម្បីដឹងថាតើអ្នកមានជំងឺដាច់សរសៃឈាមខួរក្បាលដែរឬអត់ ចូលអ្នកសម្គាល់សញ្ញាដូចជា៖ មុខមានអារម្មណ៍ស្ពឹកពេលញញឹម, ដៃ និងជើងមានអារម្មណ៍ថាស្ពឹក ឬមិនអាចលើកដៃម្ខាង ឬជើងម្ខាងបាន, ការនិយាយមានភាពស្រពិចស្រពិល ឬនិយាយមិនច្បាស់។ ប្រសិនបើមានរោគសញ្ញាយ៉ាងហោចណាស់មួយក្នុងចំណោមរោគសញ្ញាទាំងបីនេះ ចូលអ្នកទៅមន្ទីពេទ្យឱ្យបានឆាប់តាមដែរអាចធ្វើបាន៕
