អាហារខាងក្រោមនេះគឺសម្បូរទៅដោយប៉ារ៉ាស៊ីតច្រើនណាស់ ដែលវានឹងប៉ះពាល់ធ្ងន់ធ្ងរដល់សុខភាពប្រសិនបើយើងទទួលទានវាក្នុងកម្រិតខ្ពស់។ ដូច្នេះ តើប៉ារ៉ាស៊ីតគឺជាអ្វី? ប៉ារ៉ាស៊ីតគឺជាពពួកផ្សិត ឬវីរុស ឬហៅម៉្យាងទៀតថាជាសត្វល្អិតតូចៗរស់នៅពឹងផ្អែកលើសារពាង្គកាយអ្នកដទៃដែលត្រូវបានគេស្គាល់ថាជាដង្កូវពោះវៀន។ ហេតុនេះហើយ អាហារ ៤ មុខនេះគឺពិតជាមានរសជាតិឆ្ងាញ់ណាស់ ប៉ុន្តែមិនគួរបរិភោគច្រើនទេព្រោះវាសម្បូរទៅដោយប៉ារ៉ាស៊ីតច្រើនណាស់។
១.កង្កែប៖ យោងតាមការស្រាវជ្រាវជាង ៦០% នៃប្រភេទកង្កែបព្រៃមានផ្ទុកប៉ារ៉ាស៊ីតហៅថា Schistocephalus។ ប៉ារ៉ាស៊ីតនេះអាចត្រូវបានរកឃើញនៅក្នុងផ្នែកណាមួយនៃរាងកាយរបស់កង្កែប ដែលភាគច្រើនបំផុតនៅក្នុងសាច់ដុំជើង មានរាងដូចគ្រាប់ពណ៌សតូចមួយ។ ប្រសិនបើមនុស្សបរិភោគកង្កែបដែលមានប៉ារ៉ាស៊ីតនេះ ពួកគេនឹងក្អួតចង្អោរ ងងឹតមុខ ឬឈឺក្បាលប្រកាំង ដូច្នេះសាច់កង្កែបត្រូវចម្អិនឱ្យបានហ្មត់ចត់នៅសីតុណ្ហភាពខ្ពស់យ៉ាងហោច ១០ នាទី។
២.ខ្យង៖ ខ្យងច្រើនតែមានប៉ារ៉ាស៊ីតច្រើនប្រភេទដូចជា ដង្កូវ និងដង្កូវទឹក។ ជាពិសេស ខ្យងដែលប្រមូលផលពីតំបន់ដែលមានទឹកកខ្វក់ទំនងជាមានប៉ារ៉ាស៊ីតខ្រើន។ ដូច្នេះប្រសិនបើខ្យងមិនត្រូវបានដំណើរការដោយប្រុងប្រយ័ត្ននោះហានិភ័យនៃការឆ្លងមេរោគ helminth នឹងកើនឡើងយ៉ាងខ្លាំង។ នៅពេលចូលទៅក្នុងខ្លួន ប៉ារ៉ាស៊ីតទាំងនេះនឹងនៅក្នុងសរីរាង្គផ្សេងៗជាច្រើន ដែលបណ្តាលឱ្យមានរោគសញ្ញាដូចជា ហើមដៃ និងជើង ឈឺពោះ ក្តៅខ្លួន ចង្អោរ និងរាគជាដើម។ លើសពីនេះ ប្រភេទមួយចំនួននៃពពួកប៉ារ៉ាស៊ីត ក៏អាចជ្រាបក្នុងរាងកាយដែលបង្កឱ្យមានហានិភ័យនៃជំងឺមហារីកផងដែរ។
៣.អាហាសមុទ្រ៖ អាហារសមុទ្រដូចជា ត្រីធូណា ត្រី salmon ត្រីដាវ អន្ទង់ និងយ៉ាវហឺ ភាគច្រើនគឺសម្បូរទៅដោយប៉ារ៉ាស៊ីត។ នៅពេលដែលអ្នកទទួលទានអាហារទាំងនេះឆៅគឺអាចបង្កឱ្យមានជំងឺររលាកថ្លើម ឬរលាកពោះវៀនតូច។ ដូច្នេះអ្នកគួរតែកាត់បន្ថយប្រភេទអាហារទាំងនេះដើម្បីទទួលបានសុខភាពល្អ។
៤.បង្កងអឺរ៉ុប ឬCrayfish ៖ បង្កងមួយប្រភេទដែលមានឈ្មោះថា Crayfish ភាគច្រើនរស់នៅក្នុងស្រះ និងបឹង ដែលវាពិតជាសម្បូរទៅដោយពពួកប៉ារ៉ាស៊ីត ក៏ដូចជាផ្ទុកនូវបាក់តេរីជាច្រើន។ ដូច្នេះហើយត្រូវប្រយ័ត្នពេលទទួលទានបង្កងប្រភេទនេះ ព្រោះអ្នកអាចប្រឈមនឹងបញ្ហាដូចជាការឆ្លងមេរោគដង្កូវនាង និងពពួកដង្កូវផ្សេងៗទៀត ដែលវាសុទ្ធតែជាហានិភ័យប៉ះពាល់ដល់សុខភាពធ្ងន់ធ្ងរ៕
