អាណារ៉ូស ដែលមហាជនស្គាល់តាមរយៈរឿងអាស្រូវមិនល្អពេលនេះបានបង្ករឿងមិនល្អម្តងទៀតបន្ទាប់ពីបង្ហោះសារឆ្លើយឆ្លងមួយនិងបានតាំងខ្លួនជាតារាល្បីហូបបាយម្តងយកតម្លៃខ្លួន៣០០០ដុល្លារ។ ទង្វើនេះអ្នកលេងបណ្តាញសង្គមចូលទៅរិះគន់កប់ៗមាត់រហូតដល់ប្រធានសមាគមសិល្បករខ្មែរ ជំទាវ ចន ច័ន្ទលក្ខណា ថាអ្នកសិល្បៈពិតប្រាកដគេមិនធ្វើការងារបែបនេះទេ។.png)
ល្ងាចថ្ងៃទី១១ កុម្ភៈ អាណា រ៉ូស បានបង្ហោះថា «ថ្លៃស៊ីបាយថ្ងៃ 3000$ ចាស តារាល្បីស៊ីថ្លៃតិចហើយ តែគ្រាន់តែស៊ីបាយធម្មតាទេ។ ចង់ជួបតារាល្បី បើគ្រាន់តែថ្លៃស៊ីបាយថ្ងៃ3000$ មិនចំណាយ ថយឱ្យឆ្ងាយ មិនមែនមុខលុយទេ តែខ្ញុំជាតារាគួរយល់»។ ពាក្យសម្តីនេះបានធ្វើឱ្យប្រើបណ្តាញសង្គមទូទៅចូលទៅបញ្ចេញមតិកប់ៗមាត់និងបានថាឱ្យ រ៉ូស កុំយកពាក្យតារាដើម្បីប្រព្រឹត្តទង្វើបែបនេះនាំឱ្យប៉ះពាល់តម្លៃសិល្បៈទាំងមូល។.png)
រឿង រ៉ូស ហូបបាយម្តងត្រូវចាយលុយ៣០០០ដុល្លារ នេះដែរជំទាវ ចន ច័ន្ទលក្ខណា ប្រធានសមាគមសិល្បករខ្មែរ បានស៊ែរការបង្ហោះរបស់ រ៉ូស ដោយភ្ជាប់ជាមួយសម្តីថា «អ្នកសិល្បៈពិតប្រាកដគេមិនធ្វើការងារបែបនេះទេ»។ បន្ទាប់ពីប្រធានសមាគមនិយាយបែបនេះ អាណារ៉ូស ក៏បានបង្ហោះសំណេរមួយទៀតប៉ុន្តែក៏ត្រូវបានលុបចោលវិញនិងបានសូមទោសជំទាវ ចន ច័ន្ទលក្ខណា ដែលសរសេរប៉ះទង្គិចលើអតីតតារាសម្តែងជួរមុខរូបនេះ។.png)
អាណា រ៉ូស បានរៀបរាប់ថា «ជំទាវម៉ាក់Morokat Nhem ឱ្យកូនលុបកូនស្តាប់តាមដំបូន្មានម៉ាក់ ជានិច្ច ម៉ាក់តែងតែប្រដៅកូនឱ្យល្អ ហើយខ្ញុំផុសលេងដោយមិនបានគិតថាវាប៉ះពាល់ដល់កិត្តិយសសិល្បៈទេ ហេតុនេះខ្ញុំលុបចោលហើយ និងសូមទោសអ្នកបង ចន ច័ន្ទលក្ខិណា ដែលខ្ញុំសរសេរប៉ះទង្គិចលើអ្នកបង សូមអ្នកបងមេត្តាអធ្យាស្រ័យ»។
ទោះយ៉ាងណា អាណារ៉ូស មិនព្រមទទួលស្គាល់ថាការបង្ហោះរបស់ខ្លួនមានថៅកែចិនចង់ហូបបាយជាមួយហើយនាងទារតម្លៃខ្លួន៣០០០ដុល្លារជារឿងខុសឆ្គងនោះទេ ដោយនាងបានបង្ហោះពាក្យពេចន៍ទៀតថា «ខ្ញុំឆ្ងល់មួយគ្រាន់គេហៅញុំាបាយខុសដែរ ធម្មតាស្រីស្អាតគេចង់ជួបជារឿងធម្មតា មានច្បាប់ចែងមកទេគ្រាន់តែជួបញុំាបាយខុសដែរ ?? ខ្ញុំសុំមិនយល់ មនុស្សខ្ញុំត្រង់ ឃើញអីនិយាយនឹង មិនមែនស៊េរីលាក់ពុតស្អុយប្រហោងក្នុងទេ»៕
