តុលាការប្រកាសសាលក្រមផ្តន្ទាទោស លោកសុខ សុវណ្ណវឌ្ឍនាសាប៊ុង ហៅ William Guang និងបក្ខពួកចំនួន ៣នាក់ទៀត ឱ្យជាប់ពន្ធនាគាររយៈពេលពី ៤ឆ្នាំ ដល់ ៦ឆ្នាំ ក្នុងសំណុំរឿងចូលប្លន់អ្នកលក់ឡេតាមអនឡានល្បីឈ្មោះ អ៊ាន សៀវម៉ី កាលពីចុងឆ្នាំ២០២១ នេះបើយោងតាមសាលក្រមនៅរសៀលថ្ងៃទី២៩ ខែមករា ឆ្នាំ២០២៤។
នៅក្នុងសាលក្រម តុលាការបានផ្តន្ទាទោសជនសង្ស័យទាំង៤នាក់ដូចជា៖
- លោក William Guang ដែលជាមេក្លោងធ្វើសកម្មភាពប្លន់ ឱ្យជាប់ពន្ធនាគារចំនួន ០៦ឆ្នាំ
- សុវណ្ណ រ៉ានុត តុលាការបានផ្ដន្ទាទោសដាក់ពន្ធនាគារចំនួន ៥ឆ្នាំ
- ឈ្មោះ អោ រ៉ាម៉ន តុលាការបានផ្ដន្ទាទោសដាក់ពន្ធនាគារ ៥ឆ្នាំ
- គេច ម៉ាច ហៅ អាតឿ តុលាការបានសម្រេចដាក់ពន្ធនាគាររយៈពេល ៤ឆ្នាំ។
គួររំលឹកផងដែរថា កាលពីថ្ងៃទី១៩ ខែធ្នូ ឆ្នាំ២០២១ លោក សុខ សុវណ្ណវឌ្ឍនាសាប៊ុង ហៅ William Guang បានដឹកនាំបក្ខពួករបស់ខ្លួនប្រដាប់ដោយអាវុធ ចូលទៅប្លន់នៅក្នុងផ្ទះអ្នកលក់ឡេអនឡាញ អ៊ាន សៀវម៉ី ក្រោយមក មិនបានយូរប៉ុន្មាន ក៏ត្រូវបានអាវុធហត្ថរាជធានីភ្នំពេញ ឃាត់ខ្លួនបានទាំងអស់៕
