អង្ករស ឬបាយគឺជាអាហារដែលមិនអាចខ្វះបានក្នុងរបបអាហារប្រចាំថ្ងៃរបស់គ្រួសារនីមួយៗ។ អង្ករផ្តល់ថាមពល និងសារធាតុចិញ្ចឹមចាំបាច់សម្រាប់រាងកាយ។ ទោះជាយ៉ាងណាក៏ដោយ ការទទួលទានអង្ករសច្រើនពេកក៏អាចនាំឱ្យឡើងទម្ងន់ និងការប្រមូលផ្តុំជាតិខ្លាញ់លើសផងដែរ។ ដូច្នេះប្រសិនបើអ្នកត្រូវការសម្រកទម្ងន់ ការទទួលអាហារទាំងនេះនឹងនាំមកនូវលទ្ធផលល្អប្រសើរ ក៏ដូចជាអាចញ៉ាំជំនួសបាយបានផងដែរ។
១.ផ្កាខាត់ណាខៀវ៖ ផ្កាខាត់ណាផា្កខៀវ គឺជាអាហារដែលមានកាបូអ៊ីដ្រាតទាប និងកាឡូរីទាប ដែលអាចជំនួសអង្ករសបាន។ ផ្កាខាត់ណាខៀវក៏សម្បូរទៅដោយជាតិសរសៃ ដូច្នេះវានឹងជួយឱ្យអ្នកមានអារម្មណ៍ឆ្អែតបានយូរ ដោយគ្មានថាមពលលើស។
២. Quinoa៖ Quinoa គឺជាអាហារបរទេសដែលមានតម្លៃអាហារូបត្ថម្ភខ្ពស់ និងល្អសម្រាប់សុខភាព។ Quinoa សម្បូរទៅដោយជាតិសរសៃ, ប្រូតេអ៊ីនខ្ពស់, ជាតិដែក, កាល់ស្យូមនិងវីតាមីន។ ដូច្នេះវាអាចជំនួសបាយបាន ក៏ដូចជាជួយសម្រកទម្ងន់យ៉ាងមានប្រសិទ្ធភាពផងដែរ។
៣. Oat៖ Oats គឺជាគ្រាប់ធញ្ញជាតិដែលមានជាតិប្រូតេអ៊ីនខ្ពស់ និងជាតិសរសៃរលាយ។ វាក៏ផ្ទុកនូវប្រូតេអ៊ីន និងសារធាតុរ៉ែជាច្រើនដែលល្អសម្រាប់រាងកាយ ហេតុនេះហើយ អ្នកអាចប្រើ oats ដើម្បីជំនួសអង្ករសក្នុងអាហារចម្បង ជាពិសេសអាហារពេលព្រឹក។ ដោយជាតិសរសៃនេះមានសមត្ថភាពស្រូបយកទឹកបានយ៉ាងល្អ ហើយវានឹងពង្រីកនៅក្នុងក្រពះ បង្កើតអារម្មណ៍ឆ្អែតក្នុងរយៈពេលយូរ កំណត់ការឃ្លាន។
៤.ដំឡូង៖ ដំឡូងគឺជាអាហារដែលគេនិយមចូលចិត្តដោយមនុស្សជាច្រើន ហើយជារឿយៗវាតែងលេចឡើងក្នុងអាហារដើម្បីសម្រកទម្ងន់ និងរក្សារាង។ អាហារនេះមានជាតិសរសៃ កាល់ស្យូម វីតាមីន និងសារធាតុរ៉ែជាច្រើនទៀត។ ហេតុនេះហើយ ការញ៉ាំដំឡូងជួយបង្កើតអារម្មណ៍ឆ្អែតបានយូរ កាត់បន្ថយចំណង់អាហារ ដើម្បីធានាបាននូវសារធាតុចិញ្ចឹម។
៥.អង្ករសំរូប៖ អង្ករសំរូប គឺជាប្រភេទអង្ករដែលមានវីតាមីន B វីតាមីន E ជាតិសរសៃ សារធាតុរ៉ែ (ម៉ង់ហ្គាណែស ម៉ាញេស្យូម ជាតិដែក…) ដែលល្អសម្រាប់សុខភាព។ អង្ករសំរូបជាធម្មតាមានគ្រាប់ធំជាងអង្ករស ដូច្នេះត្រូវទំពារឱ្យបានហ្មត់ចត់ និងយូរជាងនេះ។ នៅពេលអ្នកញ៉ាំយឺតៗ ហើយទំពារឱ្យបានហ្មត់ចត់ រាងកាយរបស់អ្នកនឹងទទួលបានសញ្ញាត្រឹមត្រូវជាងមុននៃភាពឆ្អែត ដែលជួយអ្នកជៀសវាងការញ៉ាំច្រើនពេក៕
