ករណីតារាចម្រៀង ជេន ជួបឧបទ្ទវហេតុភ្លើងឆាបឆេះអំឡុងពេលថតបទចម្រៀងថ្មីបានធ្វើឱ្យមហាជនតក់ស្លុតយ៉ាងខ្លាំងចំពោះហេតុការណ៍ដ៏មិននឹកស្មានដល់នេះ ខណៈមកទល់ពេលនេះស្ថានភាពរបស់ ជេន បានធូរស្បើយបានច្រើនហើយ។ ជាមួយគ្នានេះដែរ ហ្វេនៗបានកោតសរសើរទឹកចិត្តរបស់តារាចម្រៀង នីកូ យ៉ាងខ្លាំងក្រោយពីដឹងថាលោកជាអ្នករត់ទៅឱប ជេន ភ្លាមៗពេលជួបហេតុការណ៍តក់ស្លុតនេះ។.png)
តាមការឱ្យដឹងពីលោក នីកូ ផ្ទាល់ដែលស្ថិតនៅក្នុងហេតុការណ៍ករណីភ្លើងឆាបឆេះលើដងខ្លួនរបស់ ជេន បានបង្ហើបឱ្យដឹងថាបុរសដែលរត់ទៅឱបជេនគឺជាលោក ហើយភ្លាមៗគឺបញ្ឈប់ការថតតែម្តងបើទោះបីជាការថតបទចម្រៀងថ្មីនោះចំណាយច្រើនយ៉ាងណាក៏ដោយ។ លោក នីកូ បានបញ្ជាក់នៅលើបណ្តាញសង្គមថា «ខ្ញុំរត់ទៅឱបប្អូនភ្លាម ស្លុតណាស់ ព្រោះក្បាលពោះរលាកខ្លាំងរបកស្បែកមក ខ្ញុំសូមនិយាយពីមូលហេតុ គឺមុនថត ឈុតភ្ជាប់និងក្រដាស magic នេះ team work បានតេស្ត៍ដដែលៗ រួចហើយគឺឃើញថាវារលត់ភ្លាមរយៈពេល៣វិនាទី ប៉ុន្តែការឆាបធ្វើឱ្យមានបញ្ហាគឺឆាបពីស្បៃ ខ្ញុំបញ្ឈប់ការថតចោលភ្លាមៗទោះបីជាបទមួយនេះចំណាយច្រើនក៏ដោយ ស្ថានភាពភ្លាមៗសូម្បីតែខ្ញុំនិងជេនក៏មិនដឹងដែរវាមានការរលាកខ្លាំង ព្រោះរយៈពេលនៃការឆេះគឺខ្លីបន្ទាប់ពីដោះឈុតចេញគឺបាននាំជេនទៅកាន់មន្ទីរពេទ្យដើម្បីលាងរបួស »។
ជាមួយគ្នានេះដែរ នៅលើបណ្តាញសង្គមរបស់ ជេន វិញក៏បានបង្ហាញស្ថានភាពរបួសរបស់ខ្លួនដែលមានការលាកខ្លាំងនៅត្រង់ពោះ និងចង្ការ ក្រោយពេលជួបហេតុការណ៍ភ្លាមៗដែលធ្វើឱ្យមហាជនកាន់តែតក់ស្លុតនៅមានឃើញមានការលាកយ៉ាងខ្លាំងដូចនេះ។ ទោះយ៉ាងណា ម្ចាស់បទ«ថ្នាក់រៀនជាប់គ្នា» រូបនេះមានស្ថានភាពល្អប្រសើរច្រើនហើយ។
ក្រោយពីមហាជនដឹងថាលោក នីកូ ជាអ្នករត់ទៅឱបជេនភ្លាមៗពេលមានភ្លើងឆាបឆេះធ្វើឱ្យទស្សនិកជនសរសើរលោកយ៉ាងខ្លាំងមិនខ្វល់ពីអ្វីទាំងអស់ យកចិត្តទុក្ខដាក់ផ្ដល់ភាពកក់ក្ដៅដល់ក្រុមការងារនិងសិស្សប្អូនដូចនេះ។
គួរបញ្ជាក់ថា កាលពីថ្ងៃទី៥ មករា មានវីដេអូចែកចាយលើបណ្តាញសង្គមដ៏តក់ស្លុតពីតារាចម្រៀង ជេន ត្រូវភ្លើងឆាបឆេះអំឡុងពេលថតបទចម្រៀងថ្មី។ ក្រោយពីវីដេអូនោះបានចែកចាយខាងក្រុមការងាររបស់ 3f Music ក៏បានចេញមកបញ្ជាក់មូលហេតុដែលបណ្តាលឱ្យមានការឆាបឆេះនោះគឺមកពី ក្រដាស magic (ក្រដាសសម្រាប់ដុតលេងសៀក )ឆាបជាមួយស្បៃ៕
