ការបែកបាក់ដ៏ចម្រូងចម្រាសរបស់ Kathryn Bernardo និង Daniel Padilla កន្លងមកនេះនៅតែជាប្រធានបទជជែកលើបណ្តាញសង្គមនៅឡើយខណៈមានពាក្យចចាមអារ៉ាមកើតឡើងជាបន្តបន្ទាប់ទៅលើមនុស្ស៣នាក់ ហើយតារាស្រីវ័យក្មេង Andrea Brillantes បានជាប់ពាក់ព័ន្ធលើរឿងនេះនិងជាប់ឈ្មោះជាជនទី៣។ ដោយឡែកប្រភពគួរឱ្យទុកចិត្តមួយផ្សាយដោយប្រព័ន្ធផ្សព្វផ្សាយហ្វីលីពីនបានឱ្យដឹងថា Andrea បានសារភាពរឿងមួយទៅកាន់ Kathryn ផងដែរ។
របាយការណ៍ពី PEP បានចេញផ្សាយនៅថ្ងៃចន្ទ ទី១៨ ខែធ្នូ ឆ្នាំ២០២៣ Andrea បានសារភាពការជួបសម្ងាត់មួយដងរបស់នាងជាមួយ Daniel ទៅ Kathryn ហើយនាងបានធ្វើវាដោយផ្ទាល់។ ការបង្ហាញរបស់ Andrea ត្រូវបានគេនិយាយថាវាជាភ្លើងចំបើងចុងក្រោយរបស់ Kathryn ក្នុងទំនាក់ទំនង ១១ ឆ្នាំរបស់នាងជាមួយ Daniel ។
ទោះបីជាវាមិនច្បាស់ថានៅពេលណា និងមូលហេតុដែលការសារភាពនេះកើតឡើងក៏ដោយប៉ុន្តែគេបានរាយការណ៍ថា Andrea ដែលបានទាក់ទងទៅ Kathryn មុន។ តារាល្បីវ័យក្មេង Andrea បានប្រាប់ Kathryn អំពីការជួបគ្នា “ម្តង” របស់នាងជាមួយ Daniel ដែលបានកើតឡើងក្នុងខែវិច្ឆិកា ឆ្នាំ២០២១ ដែលជាថ្ងៃខួបកំណើតម្តាយរបស់ Daniel ប៉ុន្តែប្រភពបានបំភ្លឺថាម្តាយរបស់ Daniel មិនដឹងថាមានអ្វីកើតឡើងរវាង Daniel និង Andrea នោះទេ។
នៅឆ្នាំ២០២១ Andrea មានអាយុត្រឹមតែ ១៨ ឆ្នាំប៉ុណ្ណោះ ខណៈដែល Daniel មានអាយុ ២៦ ឆ្នាំ ហើយ Kath មានអាយុ ២៥ ឆ្នាំ។
Andrea មិនត្រឹមតែបានសារភាពថាបានជួប Daniel នៅខាងក្រោយខ្នងរបស់ Kath ប៉ុណ្ណោះទេ ប៉ុន្តែនាងត្រូវបានគេរាយការណ៍ថាបានចែករំលែកការសន្ទនារបស់នាងជាមួយ Daniel តាមទូរស័ព្ទរបស់នាង។ វាត្រូវបានលើកឡើងនៅក្នុងរបាយការណ៍របស់ PEP.ph ដែល Andrea បានប្រាប់ Daniel ថាមាននរណាម្នាក់ផ្សេងទៀតដែលដឹងពីទំនាក់ទំនងរបស់ពួកគេផងដែរ។
លើសពីនេះទៅទៀត ប្រភពបានរាយការណ៍ថាដោយសារតែដឹងពីទំនាក់ទំនង Andrea និង Daniel វាជាហេតុផលមួយដែល Andrea និង មិត្តប្រុស បែកបាក់គ្នា។ ពេលនោះ Daniel បានប្រាប់ Andrea ឱ្យដោះស្រាយបញ្ហាជាមួយមិត្តប្រុសនៅពេលនោះផងដែរក្រោយពីបានដឹងរឿងពួកគេ។
គួរបញ្ជាក់ផងដែរថា បន្ទាប់ពីប្រកាសបែកគ្នារវាង Daniel និង Kathryn អ្នកទាំងពីរបានបង្ហាញសកម្មភាពរួមគ្នាកាលពីកន្លងទៅនេះនាំឱ្យហ្វេនៗមានការលើកឡើងថា អ្នកទាំងពីរអាចនឹងត្រូវគ្នាវិញ។ ទោះជាយ៉ាងណា តារាសម្តែងស្រី Kathryn បានបង្ហាញគោលជំហរថាខ្លួនមិនត្រឡប់ក្រោយឡើយ មានតែឆ្ពោះទៅមុខប៉ុណ្ណោះ៕
