យោងតាមសារព័ត៌មានបរទេសរាយការណ៍ថា បុគ្គលិកបម្រើការនៅលើយន្តហោះម្នាក់ឈ្មោះ ខេវីន បានបង្ហោះវីដេអូមួយក្នុងបណ្តាញសង្គម ហើយត្រូវបានមនុស្សជាច្រើននាក់ជជែកគ្នាអំពីវីដេអូនេះ ។ បុគ្គលិកបម្រើការនៅលើយន្តហោះរូបនិយាយថា អ្នកដំណើរពុំគួរពិសារកាហ្វេដែលខាងយន្តហោះយកមកជូនទេ ។

លោក ខេវីន បានបង្ហោះវីដេអូនេះក្នុងបណ្តាញសង្គម TikTok ហើយលោកបានឆ្លើយសំណួររបស់អ្នកលេងបណ្តាញសង្គម ដែលសួរថា ៖ «ក្នុងឋានៈលោកជាបុគ្គលិកបម្រើការនៅលើយន្តហោះ តើអ្វីជាភាពកខ្វក់ក្នុងការងាររបស់លោក?» ។Why You May Want To Skip The Coffee On Your Next Flight

លោក ខេវីន ជាបុគ្គលិកបម្រើការលើយន្តហោះនិយាយថា សូមអ្នកដំណើរកុំពិសារកាហ្វេនៅលើយន្តហោះឱ្យសោះ ពីព្រោះធុងដាក់ទឹកស្ទើរតែពុំទទួលបានការសម្អាតឡើយ ហើយបុគ្គលិកក៏ប្រើប្រាស់ទឹកក្នុងធុងនេះសម្រាប់ឆុងកាហ្វេ ។ លោក ខេវីន បានប្រាប់ត្រង់ៗថា កាហ្វេនៅលើយន្តហោះខ្វះអនាម័យពិតមែន ហើយមិនត្រឹមតែមិនបានសម្អាតធុងដាក់ទឹកប៉ុណ្ណោះទេ ប៉ុន្តែហេតុផលមួយទៀត គឺប៉ាន់កាហ្វេ ។Flight Attendant Warns Never to Drink the Tea or Coffee on a Plane — The Latch

បុគ្គលិកបម្រើការលើយន្តហោះរូបនេះបន្តថា កាហ្វេនៅសល់ក្នុងប៉ាន់កាហ្វេ ពួកគេមិនអាចចាក់ចោលទៅក្នុងបំពង់បង្ហូរទឹកបានទេ ។ ហេតុនេះ ពួកគេត្រូវចាក់វាចោលក្នុងចានបង្គន់ ហើយដើម្បីកុំឱ្យវាខ្ទាតចេញក្រៅ គឺត្រូវយកប៉ាន់កាហ្វេចាក់ឱ្យកៀកនឹងចានបង្គន់ ។ ហេតុនេះ វាធ្វើឱ្យមេរោគផ្សេងៗខ្ទាតចូលក្នុងប៉ាន់កាហ្វេដោយផ្ទាល់ ។Flight attendant warns passengers against in-flight coffee - Kiwi.com | Stories

ក្រៅពីនេះ បុគ្គលិកបម្រើការនៅលើយន្តហោះបានណែនាំអ្នកដំណើរថា នៅពេលធ្វើដំណើរតាមយន្តហោះ អ្នកដំណើរត្រូវមកដល់អាកាសយានដ្ឋានឱ្យបានមុនពេលហោះហើរ និងទិញកាហ្វេខាងក្រៅយន្តហោះផឹកជំនួសវិញ ។

ក្រោយពីវីដេអូនេះបានបង្ហោះក្នុងបណ្តាញសង្គមធ្វើឱ្យអ្នកលេងបណ្តាញសង្គមចាប់អារម្មណ៍យ៉ាងខ្លាំង ហើយមនុស្សភាគច្រើននិយាយថា ៖ «អរគុណ សម្រាប់ការណែនាំ ចាប់ពីពេលនេះទៅ ពួកគេនឹងមិនផឹកកាហ្វេនៅលើយន្តហោះទៀតទេ» ។ មនុស្សខ្លះទៀតថា ៖ «នៅពេលឮបុគ្គលិកបម្រើការលើយន្តហោះសួរថា តើចង់ពិសារកាហ្វេ ឬទឹកតែ? អ្នកដំណើរនឹងព្រឺសម្បុរមិនខាន» ៕Think Twice Before Ordering Coffee or Tea on a Plane ប្រភព ៖ khaosod