នៅក្នុងឱកាស អបអរសារទរខួប៣១ឆ្នាំនៃការចុះរមណីយដ្ឋានអង្គរ ទៅក្នុងបញ្ជីនៃសម្បត្តិបេតិកភណ្ឌពិភពលោកនាថ្ងៃទី១៤ ខែធ្នូ ឆ្នាំ១៩៩២ អាជ្ញាធរជាតិអប្សរា នឹងរៀបចំប្រារព្ធពិធី “រំលឹកគុណអង្គរ” នៅក្នុងរមណីយដ្ឋានអង្គរ ចាប់ពី ថ្ងៃទី០៧-១៦ ខែធ្នូ ឆ្នាំ២០២៣ ខាងមុខនេះ។
នៅក្នុងរយៈពេល៩ថ្ងៃពេញនេះ អាជ្ញាធរជាតិអប្សរា នឹងប្រកាសបិទការចូលទស្សនា ស្ពានហាលខាងលិចប្រាសាទអង្គរវត្ត ដោយតម្រូវឱ្យភ្ញៀវទេសចរជាតិ- អន្តរជាតិ អាចចេញ-ចូលទស្សនាប្រាសាទអង្គរវត្ត ដោយប្រើប្រាស់ស្ពានបណ្តែតទឹកបណ្តោះអាសន្ន។
ការរៀបចំពិធីបុណ្យនេះ ធ្វើឡើងដោយមានទាំងការផ្សារភ្ជាប់ផ្នែកសាសនា និងវប្បធម៌ខ្មែរ ដោយមានការរៀបចំពិធីបុណ្យតាមបែបពុទ្ធសាសនាផង និងមានទាំងការសម្តែងល្ខោន របាំប្រពៃណី និងការដាក់តាំងបង្ហាញផ្ទាំងគំនូរអប្សរាជាច្រើនផងដែរ។
ជាពិសេសជាងនេះទៅទៀត ក៏នឹងមានវត្តមានរបស់ Miss Grand និង Miss Universe Cambodia ដែលមានដូចជា៖
ចន សុទិម៉ា
ភឹម ស្រីនោ
អិន លក្ខិណា
កុយ អេនណា
អិន ម៉ូលិកា
ខាត់ ស្រីច័ន្ទ
ណង នីត
សោម ស្រីនាថ និងសិល្បករជាច្រើនទៀតផងដែរ៕
