ទោះបីជារូបសម្បត្តិរបស់អ្នកមើលទៅស្រស់ស្អាត ឬស្រស់សង្ហាយ៉ាងណាក៏ដោយ ប្រសិនបើអ្នកមានទម្លាប់មួយចំនួននេះ នឹងធ្វើឱ្យអ្នកបាត់បង់ភាពទាក់ទាញយ៉ាងងាយ ក៏ដូចជាមិនសូវមាននរណាចូលចិត្តអ្នកជាដើម ដោយទម្លាប់អាក្រក់ទាំងនោះមានដូចជា៖
១.មិនចេះលេងសើច៖ យោងតាមការសិក្សាឆ្នាំ ២០២១ ដែលបានបោះពុម្ភផ្សាយក្នុង Journal of Positive Psychology បានបង្ហាញពីសារៈសំខាន់នៃភាពខ្លាំងនៃបុគ្គលិកលក្ខណៈជាក់លាក់សម្រាប់សុខភាពផ្លូវចិត្ត រួមទាំងការលើកទឹកចិត្ត សុទិដ្ឋិនិយម និងការលេងសើច។ ដូច្នេះហើយ ការអសមត្ថភាពក្នុងការលេងសើច មិនថាសំដៅលើខ្លួនឯង ឬពិភពលោកនោះទេ អាចបង្កើតភាពតានតឹង និងរំខានដល់អន្តរកម្មសង្គមធម្មជាតិ។ ទម្លាប់នេះក៏អាចបង្ហាញពីភាពរឹងប៉ឹង និងកង្វះការកោតសរសើរចំពោះភាពប៉ិនប្រសប់ ក៏ដូចជាកំណត់ទំនាក់ទំនងពិតប្រាកដ និងអាចរំខានដល់អ្នកដែលនៅជុំវិញអ្នក។
២.ប្រកាន់ច្រើន៖ ការប្រកាន់ច្រើនពេកពីកំហុសរបស់នរណាម្នាក់ ធ្វើឱ្យមនុស្សជុំវិញខ្លួនអ្នកមិនសប្បាយចិត្ត ឬមានអារម្មណ៍ថាតានតឹងនៅពេលដែលពួកគេនៅជិតអ្នក។ ដូច្នេះអ្នកនឹងបាត់បង់ភាពទាក់ទាញយ៉ាងងាយ ឬក៏មិនសូវមាននរណាម្នាក់ចូលចិត្តអ្នកជាដើម ដោយសារអាកប្បកិរិយាដ៏តឹងរ៉ឹងហួសហេតុរបស់អ្នក។ ដូច្នេះដើម្បីដោះស្រាយទំនោរនេះ អ្នកគួរផ្តល់ការគាំទ្រជាវិជ្ជមាន និងការឆ្លើយតបយ៉ាងក្លៀវក្លាចំពោះព័ត៌មានវិជ្ជមានរបស់ដៃគូ ក៏ដូចជាបង្កើនការពេញចិត្តនៃទំនាក់ទំនងជារួម។
៣.ចូលចិត្តសន្យា៖ ការសន្យាដែលយើងធ្វើក្នុងជីវិតប្រចាំថ្ងៃ ជារឿយៗមនុស្សភាគច្រើនតែងមើលរំលង ដោយអ្នកខ្លះសន្យាមិនទៀងទាត់បំផ្លាញការទុកចិត្ត បង្ហាញពីការខ្វះការព្រួយបារម្ភចំពោះអ្នកដទៃ ហើយនឹងមានលទ្ធភាពបំផ្លាញទំនាក់ទំនងណាមួយ ក៏ដូចជាជះឥទ្ធិពលអាក្រក់បង្កើតបរិយាកាសនៃអស្ថិរភាព និងការខកចិត្ត បំផ្លាញទំនាក់ទំនងផ្ទាល់ខ្លួន និងវិជ្ជាជីវៈ។ ដូច្នេះដើម្បីដោះស្រាយទម្លាប់នេះ ជម្រើសដ៏ល្អគឺការនិយាយបដិសេធពីការសន្យាដែលមិនអាចរក្សាបាន ឬមិនអាចធ្វើបាន។ ហេតុនេះហើយ ការធ្វើតាមការប្តេជ្ញាចិត្តរបស់អ្នកជាប្រចាំ នឹងបង្កើនភាពជឿជាក់របស់អ្នក ក៏ដូចជាបង្កើនភាពទាក់ទាញរបស់អ្នកផងដែរ៕
