ទៅដល់កូរ៉េហើយប៉ុន្តែនៅសុខ ស្តេចហ្គេម បានប្រើសម្តីមិនសមរម្យប៉ះពាល់ដល់ក្រុមចម្រៀងដ៏ល្បី BTS ធ្វើឱ្យអ្នកគាំទ្រក្រុមចម្រៀង K- Popនេះចេញមករិះគន់មិនសំចៃរហូត ស្តេចហ្គេម បានផ្លាស់ប្តូរពាក្យពេចន៍ថ្មី។ យ៉ាងណាមិញដោយសារត្រូវរិះគន់ខ្លាំងពេក ស្តេចហ្គេម បានបង្ហោះសំណេរជាប់ទាក់ទងនឹងធនធានមនុស្សសម្រាប់ប្រទេសជាតិរហូត Peypey Dy សួររកសីលធម៌របស់ ស្តេចហ្គេម។
នៅលើបណ្តាញសង្គមរបស់ ស្តេចហ្គេម ថ្ងៃទី៦ ធ្នូ នេះបានបង្ហោះសំណេរមួយថា «ក្មេងៗ មួយថ្ងៃៗ អត់ព្រមខំរៀនទេ? តើឱ្យប្រទេសយើងសង្ឃឹមថាអាចមានធនធានមនុស្សដែលមានចំណេះដឹង ខ្ពង់ខ្ពស់ពិតប្រាកដទៅកើតទៅបើគ្រាន់តែ ប៉ះពាល់ អាយដល ជាមួយនឹងពាក្យ អត់បានការមួយឃ្លាសោះ»។ ស្តេចហ្គេម បន្ថែមទៀតថា «សូមឱ្យ ប្អូនៗ កូន ក្មួយ ទាំងអស់គ្នា ជួយប្រឹងរៀនសូត្រ ឱ្យបានដូចការឈឺឆ្អាលរបស់ អាយដល របស់អូនៗ កូន ក្មួយ នោះប្រទេសកម្ពុជានឹងរីកចំរើនជាងនេះកាន់តែខ្លាំងទៀត សូមអរគុណ»។
ការដែល ស្តេចហ្គេម បង្ហោះសំណេរនេះឡើងបន្ទាប់ពីលោកបានបង្ហោះរូបភាពនៅលើបណ្តាញសង្គមដោយបញ្ជាក់ថាពេលនេះខ្លួនបានទៅដល់ទឹកដីកូរ៉េខាងត្បូងហើយដែលជាស្រុកកំណើតរបស់ក្រុមចម្រៀង BTS ប៉ុន្តែការសរសេររបស់លោកបែរជាលាយពាក្យមិនសម្យប៉ះពាល់ BTS ធ្វើឱ្យហ្វេនៗមិនចេញចិត្តនិងបញ្ចេញមតិរិះគន់ដាក់ ស្តេចហ្គេម ក្នុងនោះក៏មាន Peypey Dy ចេញមកនិយាយដូចគ្នា។
ការលើកឡើងរបស់ ស្តេចហ្គេម ឱ្យអ្នករិះគន់ខ្លួនខំរៀនសូត្រធ្វើជាធនធានមនុស្សសម្រាប់ប្រទេសជាតិជាជាងយកពេលមកឈឺឆ្អាលព្រោះតែប៉ះពាល់អាយដលនោះ ស្រាប់តែ Peypey Dy សួររកសីលធម៌ ស្តេចហ្គេម តែម្តង។
អ្នកលេងបណ្តាញសង្គមមានឥទ្ធិពលរូបនេះបានសរសេរដាក់ ស្តេចហ្គេម ថា «
ខ្លួនឯងមានសីលធម៌គ្រប់គ្រាន់ហើយនៅ? ខ្លួនឯងអ្នកនាំរឿងខ្លួនឯង មិនមែនមិនដឹងថាផុសទៅនឹងមានរឿងទេ តែខួរក្បាលនិងភាពអសីលធម៌រួមជាមួយនឹងចំណេះដឹងដ៏ទាបរបស់ខ្លួនឯងនៅតែជំរុញឱ្យធ្វើ រួចមកលាងខ្លួនស្រែករកធនធាន?»៕.PNG)
