នៅក្នុងរឿងអាស្រូវនៃទំនាក់ទំនងស្នេហាចុងក្រោយនេះបានកើតឡើងរវាងតារា K-Pop ពីររូបគឺ RM សមាជិក BTS និង Karina សមាជិក aespa បន្ទាប់ពីអ្នកលេងបណ្តាញសង្គមបានរកឃើញជាមួយ “ភស្តុតាង” មួយចំនួននៃការណាត់ជួបរបស់ពួកគេ។ ភស្តុតាងនៅលើវេទិកាអនឡាញនេះគឺផ្អែកលើមិត្តភាពរវាង RM និងសិល្បករផ្សេងទៀត និងការចាប់អារម្មណ៍របស់ Karina ចំពោះសិល្បកររូបនោះដែលត្រូវជាមិត្តរបស់ RM។
ថ្មីៗនេះ Karina ហាក់ដូចជាមានការចាប់អារម្មណ៍កាន់តែខ្លាំងចំពោះក្រុម Se So Neon ដែលមានអ្នកច្រៀងនាំមុខគឺ Hwang So Yoon ត្រូវបានគេស្គាល់ថា So!YoON ហើយអ្នកចម្រៀងនេះទៀតសោតត្រូវបានគេដឹងថាជាមិត្តរបស់ RM ហើយពួកគេថែមទាំងបានសហការជាមួយគ្នាក្នុងបទចម្រៀងទោលមានចំណងជើង “Smoke Sprite” កាលពីដើមឆ្នាំ២០២៣នេះផងដែរ។
រូបថតបន្ថែមដែលបានបង្ហោះនៅលើវេទិកាជា “ភស្តុតាង” បានបង្ហាញទាំង RM និង Karina ចែករំលែករូបភាពសខ្មៅរបស់ពួកគេជាមួយ So!YoON! នៅលើ Instagram រៀងៗខ្លួន។ ភាពស្រដៀងគ្នារវាងរូបថតទាំងពីរនាំឱ្យចាប់អារម្មណ៍យ៉ាងខ្លាំងពីបណ្តាអ្នកលេងបណ្តាញសង្គម។
លើសពីនេះទៅទៀត មានការចែករំលែករូបភាពនៃព្រឹត្តិការណ៍មួយដែល RM បានចូលរួមមើល aespa កំពុងសម្តែងនៅប៉ុន្មានសប្តាហ៍មុន។ ប្រកាសនេះ អ្នកនិយមលេងអ៊ីនធឺណិត ហាក់មានការងឿងឆ្ងល់ជាខ្លាំង ហើយក៏យល់ តារា K-Pop មួយចំនួនកំពុងណាត់ជួបគ្នា តាមវិធីនេះ។
ទោះជាយ៉ាងណា នេះគ្រាន់តែជាពាក្យចចាមអារ៉ាមដែលអ្នកលេងបណ្តាញសង្គមលើកឡើងតែប៉ុណ្ណោះការពិតយ៉ាងណាខាងសាមីខ្លួនក៏ដូចជាទីភ្នាក់ងាររបស់ពួកគេមិនទាន់បញ្ជាក់ផ្លូវការឡើយ៕
