ការប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៣នេះ នឹងប្រព្រឹត្តិទៅរយៈពេល២ថ្ងៃ នៅថ្ងៃទី៦-៧ ខែវិច្ឆិកា ខាងមុខនេះ ដោយក្រសួងកំណត់យកថ្ងៃចុងក្រោយនៃព្រះរាជពិធីបុណ្យអុំទូក ជាថ្ងៃប្រកាសលទ្ធផល។
នៅក្នុងនោះ ក្រសួងក៏បានប្រកាសអំពីការកាលបរិច្ឆេទ នៃដំណើរការប្រឡងដូចតទៅ៖
- ពេលវេលាប្រឡង ២ថ្ងៃ គឺថ្ងៃទី៦ និងថ្ងៃទី៧ ខែវិច្ឆិកា ឆ្នាំ២០២៣
- ដំណើរការកំណែប្រព្រឹត្តទៅចាប់ពីថ្ងៃទី ៩ ខែវិច្ឆិកា ឆ្នាំ២០២៣ ដល់ថ្ងៃទី១៥ ខែវិច្ឆិកា ឆ្នាំ២០២៣
- ដំណើរការស្រង់ បូកពិន្ទុដោយកុំព្យូទ័រ និងផ្ទៀងផ្ទាត់ពិន្ទុ ចាប់ពីថ្ងៃទី១៦ ដល់ថ្ងៃទី ២៦ ខែវិច្ឆិកា ឆ្នាំ២០២៣
- ក្រសួងកំណត់យកថ្ងៃទី២៨ ខែវិច្ឆិកា ឆ្នាំ២០២៣ ពេលរសៀល សម្រាប់ការប្រកាសលទ្ធផលប្រឡងនៅរាជធានីភ្នំពេញ និងខេត្តកណ្តាល និងនៅថ្ងៃទី២៩ ខែវិច្ឆិកា ឆ្នាំ២០២៣ សម្រាប់ខេត្តផ្សេងៗនៅទូទាំងប្រទេស៕
