ប្រាកដណាស់ មនុស្សមួយចំនួនច្បាស់ជាចូលចិត្តការទទួលទានអាហារណាដែលមានរសជាតិហឹរ ព្រោះរសជាតិហឹរអាចធ្វើឱ្យអាហារឆ្ងាញ់ថែមមួយកម្រិត ប៉ុន្តែប្រហែលជាអ្នកនៅមិនទាន់ដឹងពីវិធីសាស្ត្រដើម្បីកាត់បន្ថយការហឹរនោះទេ។ ដូច្នេះ KBN News នឹងប្រាប់ពីរបៀបព្យាបាលរោគសញ្ញាហឹរដូចខាងក្រោម៖
១.ផឹកទឹកដោះគោ ឬទឹកដោះគោជូរឱ្យបានច្រើន មូលហេតុគឺដោយសារទឹកដោះគោមានផ្ទុកសារធាតុ capsaicin ដែលវាមានប្រសិទ្ធភាពបំផុតក្នុងការលុបបំបាត់ជាតិហឹរ និងរលាយជាតិខ្លាញ់បានយ៉ាងល្អ។
២.នៅពេលហឹរខ្លាំងអ្នកអាចទទួលនំបុ័ង ឬប៉ាស្តាព្រោះវានឹងជួយស្រូបយកសារធាតុអាក្រក់ៗចេញពីរាងកាយ។
៣.ផឹកទឹកក្រូចឆ្មារ ឬទឹកខ្មេះ មូលហេតុគឺដោយសារតែអាស៊ីតនៅក្នុងក្រូច និងទឹកខ្មេះអាចកាត់បន្ថយឥទ្ធិពលនៃជាតិហឹរបានយ៉ាងងាយ។
៤.ទទួលទានទឹកឃ្មុំ ឬស្ករ ព្រោះទាំងពីរនេះនឹងជួយព្យាបាលរោគសញ្ញាហឹរយ៉ាងមានប្រសិទ្ធភាព។
៥.ទទួលទានការ៉េមដែលត្រជាក់ខ្លាំង ឬយ៉ាអួរ មូលហេតុគឺដោយសារតែភាពត្រជាក់នឹងជួយកាត់បន្ថយអារម្មណ៍ក្តៅបានយ៉ាងរហ័ស៕