នាព្រឹកនេះ មានករណីបាក់ស្រុតផ្លូវ នៅខាងជើងវត្តស្ទឹងមានជ័យ ដែលបានបង្កជាហានិភ័យបន្តិចដែរ ដល់បងប្អូនប្រជាពលរដ្ឋដែលធ្វើដំណើរតាមផ្លូវនោះ ជាពិសេសបងប្អូនដែលធ្វើដំណើរចុះពីលើស្ពានសំដៅទៅវត្តឬផ្សារស្ទឹងមានជ័យតែម្តង។
បើតាមការបញ្ជាក់ពីអាជ្ញាធរសង្កាត់ស្ទឹងមានជ័យទី១ ជុំវិញករណីនេះ បានឱ្យដឹងថា៖” ដោយសារតែ មុខតំណរនៃប្រព័ន្ធលូខាងក្រោមផ្លូវ បានធ្លាយ និងបង្កជាការជ្រាបទឹក ដែលជាហេតុធ្វើឱ្យបាក់ស្រុតផ្លូវតែម្តង”។
តែយ៉ាងណាមិញ អាជ្ញាធរសង្កាត់ស្ទឹងមានជ័យទី១ កំពុងធ្វើការជុសជុល និងអាចដាក់ឱ្យបងប្អូនប្រជាពលរដ្ឋធ្វើដំណើរបានធម្មតាវិញនៅក្នុងពេលដ៏ខ្លីខាងមុខនេះ៕
