រឿង ៤ យ៉ាងដែលអ្នកមិនគួរបន្ទាបខ្លួន ដើម្បីកុំឱ្យអ្នកដទៃមើលងាយ

មនុស្សជាច្រើនគិតថាការបន្ទាបខ្លួនគឺជារឿងល្អ ទោះបីជាពួកគេមានសមត្ថភាពខ្លាំងប៉ុណ្ណាក៏ដោយ ប៉ុន្តែការបន្ទាបខ្លួនជ្រុលពេកដោយមិនមើលតាមកាលៈទេសៈ វាអាចជារឿងមិនល្អ ដែលបណ្តាលឱ្យអ្នកដទៃមើលងាយ និងមិនឱ្យតម្លៃអ្នក។ ដូច្នេះហើយ ខាងក្រោមនេះគឺជារឿង ៤ យ៉ាងដែលអ្នកមិនគួរបន្ទាបខ្លួន ដើម្បីកុំឱ្យមនុស្សជុំវិញខ្លួនមើលងាយយើង។

១.កុំបន្ទាបខ្លួន ពេលដែលត្រូវគេមើលងាយ៖ វាជារឿងធម្មជាតិរបស់មនុស្សដែលចូលចិត្តធ្វើបាបអ្នកទន់ខ្សោយជាងខ្លួន ដូច្នេះនៅពេលដែលគូប្រជែងរបស់អ្នកធ្វើបាបច្រើនដង សូមកុំចុះចាញ់នឹងពួកគេ ដោយអ្នកត្រូវប្រើប្រាស់ចំណេះដឹង និងសមត្ថភាពដ៏ខ្លាំងរបស់អ្នកបង្ហាញឱ្យពួកគេបានឃើញ នោះពួកគេនឹងមិនហ៊ានជាមួយអ្នកទៀតទេ។

២.កុំបន្ទាបខ្លួន នៅពេលអ្នកមានសមត្ថភាព៖ មនុស្សម្នាក់ៗសុទ្ធតែមានសមត្ថភាព និង ទេពកោសល្យខុសៗគ្នា ប្រសិនបើអ្នកបន្តបន្ទាបខ្លួន ឬលាក់ចំណេះជំនាញរបស់អ្នក អាចធ្វើឱ្យអ្នកដទៃមានឱកាសច្រើនជាងអ្នក។ ដូច្នេះ ចូលអ្នកបង្ហាញចំណេះជំនាញ និង ទេពកោសល្យរបស់អ្នកឱ្យអស់ពីសមត្ថភាពនៅក្នុងកន្លែងធ្វើការ នោះអ្នកនឹងទទួលបានឱកាសច្រើនពីថ្នាក់ដឹងនាំ។

៣.កុំបន្ទាបខ្លួន នៅពេលប្រកួតប្រជែង៖ កាលណាដែលអ្នកមានចិត្តអាណិតទៅកាន់ដៃគូរប្រកួតប្រជែងរបស់ខ្លួន ឬគិតថាអ្នកមានសមត្ថភាពពេញលេញហើយ ចាំប្រកួតប្រជែងពេលណាផ្សេងទៀតក៏បាន ដូច្នេះការបន្ទាបខ្លួនបែបនេះគឺមិនល្អនោះទេ ដោយអ្នកនឹងបាត់បង់ឱកាសដ៏ល្អជាក់ជាមិនខាន ព្រោះឱកាសល្អមិនមែនចេះតែមានរហូតឡើយ។

៤.រៀបឥរិយាបថឱ្យថ្លៃថ្នូរ ខ្ពង់ខ្ពស់សក្ដិសមជាអ្នក៖ ពិតណាស់ អាកប្បកិរិយា បូករួមនឹងការតែងខ្លួនឱ្យសមនឹងរូបសម្បត្តិគឺជារឿងសំខាន់ខ្លាំងណាស់ កាលណាដែលយើងផ្តល់តម្លៃឱ្យខ្លួនឯង រៀបឥរិយាបថឱ្យថ្លៃថ្នូរ ខ្ពង់ខ្ពស់ មនុស្សដែលនៅជុំវិញខ្លួនយើង ក៏គោរព និងឱ្យតម្លៃយើងដូចគ្នា៕